'రింకూలో ఆ టాలెంట్​ గుర్తించింది అతడే' - ధోనీ నుంచే ఆ ట్రిక్ నేర్చుకున్నాడట!

Rinku Singh Finisher : టీమ్ఇండియా క్రికెటర్ రింకూ సింగ్.. ప్రస్తుతం కెరీర్​లో మంచి ఫామ్​లో దూసుకుపోతున్నాడు. అతడు డెత్​ ఓవర్లలో ఒత్తిడిని తట్టుకొని పరుగులు చేయడం పట్ల పలువురు మాజీలు రింకూను ప్రశంసిస్తున్నారు. అయితే రింకూ ఈస్థాయిలో ఉండడానికి కారణం కోచ్ అభిషేక్​ అని దినేశ్ కార్తిక్ అన్నాడు.

Rinku Singh Finisher :టీమ్ఇండియా క్రికెటర్ రింకూ సింగ్​కు ఈ సంవత్సరం బాగా కలిసొచ్చిందనే చెప్పాలి. అతడి ప్రతిభకు తోడు అవకాశాలు కూడా వస్తుండడం వల్ల రింకూను ప్రపంచం గుర్తిస్తోంది. అటు ఐపీఎల్​లో, ఇటు టీమ్ఇండియా తరఫున ఎప్పటికీ గుర్తుండిపోయే ఇన్నింగ్స్​ ఆడుతూ.. అవకాశాలను ఏ మాత్రం చేజార్చుకోకుండా రెండు చతులా అందిపుచ్చుకుంటున్నాడు.

రీసెంట్​గా విశాఖపట్టణం వేదికగా ఆస్ట్రేలియాతో జరిగిన మ్యాచ్​లోనూ రింకూ.. టీమ్ఇండియాకు మంచి ఫినిషింగ్ ఇచ్చి జట్టును గెలిపించాడు. ఈ మ్యాచ్​లో రింకూ లేకపోతే గెలుపు సాధ్యమయ్యేది కాదని పలువురి నుంచి అభిప్రాయాలు కూడా వచ్చాయి. ధోనీ తర్వాత టీమ్ఇండియాకు అంతటి బెస్ట్ ఫినిషర్​గా రింకూ ఎదుగుతాడని పలువురు అభిప్రాయపడుతున్నారు. అయితే రింకూ కెరీర్ తొలి నాళ్లలో అతడి ప్రతిభను గుర్తించింది.. కోచ్ అభిషేక్ నాయరేని , దినేశ్ కార్తిక్ అన్నాడు.

"2018 ఐపీఎల్​లో రింకూ కోల్​కతాకు ఆడుతున్నప్పుడు.. రింకూలో సత్తా ఉందని అభిషేక్ గుర్తించాడు. భవిష్యత్​లో అతడు అదరగొడతాడని నమ్మి.. రింకూను డెత్ ఓవర్లలో ఆడే విధంగా సానబట్టాడు. లీగ్​లో అతడికి గాయమైనా.. జట్టుతోనే ఉండేలా కో ఓనర్ వెంకీ మైసోర్‌తో మాట్లాడి ఒప్పించాడు. ఆసీస్​తో గెలుపు తర్వాత రింకూ.. తన కోచ్​ అభిషేక్​ను హగ్ చేసుకోవడం ఆనందంగా అనిపించింది" అని కార్తిక్ అన్నాడు.

ధోనీ నుంచే నేర్చుకున్నా.. "టార్గెట్ ఛేదించేటప్పుడు, డెత్ ఓవర్లలో ఎలా ప్రశాంతంగా ఉండాలో ధోనీతో ఓసారి చర్చించాను. వీలైనంత వరకు కూల్​గా ఉంటూ.. బౌలర్‌ వైపే సూటిగా చూడాలని ధోని చెప్పాడు. క్రీజులో దేనికీ రియాక్ట్ అవ్వకుండా.. నేను అదే ఫాలో అవుతున్నాను. అదే నాకు ఎంతో ఉపయోగపడుతోంది" అని అన్నాడు.

Rinku Singh IPL 2023 : ఈ ఏడాది ఐపీఎల్​లో గుజరాత్​పై వరుసగా 5 సిక్స్​లు బాది.. వెలుగులోకి వచ్చిన విషయం తెలిసిందే. ఆ తర్వాత కూడా అదే ఫామ్​ను కొనసాగిస్తూ.. రింకూ నిలకగా ఆడాడు. 14 మ్యాచ్​ల్లో 59.25 సగటుతో 474 పరుగులు చేశాడు. ఇందులో నాలుగుసార్లు 50+ స్కోర్లు చేశాడు. ఈ ఐపీఎల్​లో ప్రదర్శనే అతడిని టీమ్ఇండియాలోకి తీసుకొచ్చింది. ఇక టీమ్ఇండియా తరఫున రింకూ.. 3 ఇన్నింగ్స్​ల్లో 97 పరుగులు చేశాడు.