తమ దేశ జాతీయ జట్టుకు కెప్టెన్గా ఎంపికయ్యాడు అఫ్గానిస్థాన్ స్టార్ లెగ్ స్పిన్నర్ రషీద్ ఖాన్(Rashid Khan). టీ20 ఫార్మాట్ సారథ్య బాధ్యతల్ని అతడికి అప్పగించింది అఫ్గాన్ క్రికెట్ బోర్డు(ఏసీబీ). టీ20 ప్రపంచకప్ను దృష్టిలో ఉంచుకుని రషీద్ను కెప్టెన్గా నియమించింది. నజిబుల్లా జద్రాన్కు వైస్కెప్టెన్ బాధ్యతలు అప్పగించింది.
"ఎన్నో ఏళ్లుగా అతడికి ఉన్న అనుభవం, అద్భుత ప్రదర్శన, నాయకత్వ లక్షణాలను దృష్టిలో ఉంచుకుని రషీద్కు ఈ బాధ్యతలు అప్పగించాం" అని ఏసీబీ ప్రకటనలో తెలిపింది. తనను కెప్టెన్గా ఎంపిక చేయడంపై హర్షం వ్యక్తం చేశాడు రషీద్. దేశానికి సేవ చేయడాన్ని గౌరవంగా భావిస్తానని అన్నాడు.