టీ20 ప్రపంచకప్(T20 World Cup 2021) సూపర్-12 పోటీల్లో భారత్, పాకిస్థాన్ హై వోల్టేజీ మ్యాచ్(IND vs PAK T20 Match) ఆదివారం(అక్టోబర్ 24) దుబాయ్ వేదికగా జరగనుంది. ఈ మ్యాచ్లో టీమ్ఇండియాపై విజయం సాధిస్తే పాకిస్థాన్(Pakisthan Squad World Cup 2021) ఆటగాళ్లకు భారీ బోనస్ లభించనుందని ఓ నివేదిక పేర్కొంది.
ఇప్పటివరకు భారత్, పాకిస్థాన్ తలపడ్డ 12 మ్యాచ్ల్లో టీమ్ఇండియాదే పైచేయి. 5 టీ20, 7 వన్డే వరల్డ్కప్ మ్యాచ్లో భారత్ విజయం సాధించింది. ఈ నేపథ్యంలో ఆదివారం బాబర్ అజామ్సేన గెలిస్తే.. మ్యాచ్ ఫీజుకు 50 శాతం ఎక్కువ.. అంటే దాదాపు రూ. 1,70,000 ఎక్కువ ఇవ్వనున్నట్లు ఓ రిపోర్డ్ ద్వారా తెలిసింది.
ప్రస్తుతం పాక్ క్రికెటర్లకు ఒక్క మ్యాచ్కు రూ. 3,38,250 ఫీజు ఇస్తుండగా భారత్పై(T20 World Cup Team India ) గెలిస్తే వారికి రూ. 5 లక్షలకు పైగా తీసుకోనున్నారు. టీ20లో ప్రపంచ నెంబర్ వన్ టీమ్ ఇంగ్లాండ్పై గెలిస్తే కూడా పాక్ ఆటగాళ్లకు ఫుల్ బోనస్ రానుందని రిపోర్టు పేర్కొంది. ఒకవేళ టోర్నీ గెలిస్తే వారికి 300 శాతం ఎక్కువగా ఫీజు ఇవ్వనున్నట్లు తెలుస్తోంది.