టీమ్‌ఇండియాను ప్రపంచ ఛాంపియన్గా నిలపడమే తమ లక్ష్యమని వైట్బాల్ కెప్టెన్ రోహిత్ శర్మ అన్నాడు. త్వరలో పలు ఐసీసీ ప్రపంచకప్‌లు ఉన్న నేపథ్యంలో.. ప్రస్తుతం తమ దృష్టంతా వాటిని సాధించడంపైనే కేంద్రీకరించామని పేర్కొన్నాడు. అలాగే, కోచ్ రాహుల్ ద్రవిడ్తో కలిసి పని చేయడం గొప్ప అనుభూతి అని రోహిత్ అన్నాడు.
"త్వరలో పలు ఐసీసీ టోర్నీలు ప్రారంభం కానున్నాయి. వాటిని సొంతం చేసుకునేందుకు మేమంతా సమష్టిగా కష్టపడుతున్నాం. ప్రపంచకప్‌ సాధించాలంటే చాలా శ్రమించాల్సి ఉంటుంది. అందుకోసం ఇప్పటి నుంచే ప్రణాళికబద్ధంగా సిద్ధం అవుతున్నాం. ఆటగాళ్లంతా తమ నైపుణ్యాలను మరింత మెరుగుపర్చుకోవాల్సిన అవసరం ఉంది. ప్రస్తుతం మా దృష్టంతా మెగా టోర్నీల్లో విజయం సాధించడంపైనే కేంద్రీకరించాం. టీమ్‌ఇండియాను ప్రపంచ ఛాంపియన్గా నిలపడమే మా లక్ష్యం"
- రోహిత్ శర్మ, టీమ్ఇండియా వన్డే కెప్టెన్