'రాబిన్​సన్​లో మార్పు వచ్చింది.. జట్టు మద్దతు ఉంటుంది'

అంతర్జాతీయ క్రికెట్ నుంచి నిషేధానికి గురైన ఇంగ్లాండ్ యువ క్రికెటర్​ రాబిన్​సన్​కు మద్దతు ప్రకటించాడు సీనియర్ బౌలర్​ జేమ్స్ అండర్సన్. గతంతో పోల్చితే అతడు ప్రస్తుతం చాలా పరిపక్వత చెందాడని పేర్కొన్నాడు. అతడి క్షమాపణలను ఇంగ్లాండ్ టీమ్​ ఏకపక్షంగా ఆమోదించిందని చెప్పాడు.

జాత్యాంహకార ఆరోపణలతో అంతర్జాతీయ క్రికెట్ నుంచి సస్పెండ్ అయిన ఇంగ్లాండ్ క్రికెటర్​ ఒల్లీ రాబిన్​సన్​కు మద్దతు తెలిపాడు సీనియర్​ బౌలర్​ జేమ్స్​ అండర్సన్​. అతడి క్షమాపణలను ఇంగ్లాండ్ టీమ్​ ఏకపక్షంగా ఆమోదించిందని పేర్కొన్నాడు. యుక్త వయసులో చేసిన తప్పులను ప్రస్తుతం అతడు తెలుసుకున్నాడని చెప్పాడు. ఇప్పుడు తను చాలా పరిపక్వత చెందాడని అభిప్రాయపడ్డాడు.

లార్డ్స్​ వేదికగా కివీస్​తో జరిగిన తొలి టెస్ట్​లో సుదీర్ఘ ఫార్మాట్​లో అరంగేట్రం చేశాడు రాబిన్​సన్​. స్త్రీల పట్ల 2013లో చేసిన ట్వీట్ల నేపథ్యంలో అతన్ని క్రికెట్​ నుంచి సస్పెండ్ చేస్తూ నిర్ణయం తీసుకుంది ఇంగ్లాండ్ క్రికెట్ బోర్డు. దీనిపై అతడు బహిరంగ క్షమాపణలు చెప్పాడు.

"రాబిన్​సన్.. చేసిన తప్పుకు అతడు బహిరంగ క్షమాపణలు చెప్పాడు. జట్టు మొత్తం ముందు అతడు విచారం వ్యక్తం చేశాడు. ఆ విషయం స్పష్టంగా తెలిసింది. ఆ ట్వీట్లు చేసినప్పటికీ.. ప్రస్తుతం అతనిలో చాలా మార్పు వచ్చింది. తన క్షమాపణలను జట్టు అంగీకరించిందని అనుకుంటున్నా. అతనికి ఇంగ్లాడ్ టీమ్ మద్దతు ఉంటుంది."

-జేమ్స్​ అండర్సన్​, ఇంగ్లాండ్ సీనియర్ బౌలర్.

ఇదీ చదవండి:అంతర్జాతీయ క్రికెట్ నుంచి రాబిన్​సన్​ సస్పెండ్