ODI World Cup 2023 Rohith Sharma: వన్డే ప్రపంచకప్లో ఇప్పటి వరకు ఆడిన ఆరు మ్యాచుల్లోనూ భారత్ విజయం సాధించి డబుల్ హ్యట్రిక్ను నమోదు చేసుకుంది. లఖ్నవూ వేదికగా ఇంగ్లాండ్తో జరిగిన మ్యాచ్లో టీమ్ఇండియా 100 పరుగుల తేడాతో గెలిచి పాయింట్ల పట్టికలో అగ్రస్థానానికి చేరుకుని సెమీస్ బెర్తును దాదాపు ఖరారు చేసుకుంది. టీమ్ఇండియా మొదట బ్యాటింగ్లో కీలక సమయాల్లో వికెట్లను కొల్పోయి తక్కువ స్కోరుకే పరిమితమైంది. అయినప్పటికీ బౌలింగ్లో ప్లేయర్లు చెలరేగడం వల్ల 100 పరుగుల తేడాతో విజయం సాధించింది. మ్యాచ్ ఆఫ్ ది మ్యాన్గా రోహిత్ శర్మ నిలిచాడు. ఈ విజయం ఎంతో ఆనందాన్ని ఇచ్చిందని మ్యాచ్ అనంతరం రోహిత్ మీడియాతో అన్నాడు.
"జట్టులోని ప్రతి ఆటగాడికీ కఠిన పరీక్ష పెట్టిన మ్యాచ్ ఇది. క్లిష్ట పరిస్థితులు ఎదురైనప్పుడు అనుభవజ్ఞులైన మన ఆటగాళ్లంతా సమష్టిగా పోరాడి జట్టును గెలిపించటంలో ముందుంటారని విషయం ఈ మ్యాచ్లో మరోమారు రుజువైంది. పట్టుదలగా పోరాడి జట్టును గెలిపించారు. ఈ టోర్నీలో ఇప్పటి వరకు మేం ఆడిన తీరు వేరు.. ఈ మ్యాచ్లో చేసిన పోరాటం వేరు. ముందు ఐదు గేముల్లో లక్ష్య ఛేదనకే దిగాం. ఈసారి మాత్రం ముందుగా బ్యాటింగ్ చేయాల్సి వచ్చింది. బౌలింగ్కు అనుకూలంగా ఉన్న ఈ వేదికపై.. ఇంగ్లాండ్ అద్భుత బౌలింగ్ను ఎదుర్కొని మరీ ఈ మాత్రం స్కోరు చేయగలిగాం. అయితే బ్యాటింగ్లో అనుకున్నంతమేర రాణించలేదనే చెప్పాలి. నాతో పాటు మరికొందరు అనవరసరంగా వికెట్లను సమర్పించారు. మా ఇన్నింగ్స్ ముగిసిన తరువాత ఓ 30 పరుగులు తక్కువ చేసినట్లు అనిపించింది." అని రోహిత్ శర్మ అన్నాడు.