ఈ ఏడాది జరగనున్న వన్డే ప్రపంచ కప్ కోసం సన్నాహాలు పెద్ద ఎత్తున ప్రారంభమయ్యాయి. అయితే ఇందులో భాగంగా జరగనున్న మ్యాచ్లన్నింటినీ.. పాకిస్థాన్ జట్టు.. హైదరాబాద్తో పాటు చెన్నైలో ఆడే సూచనలు ఎక్కువగా కనిపిస్తున్నాయి. ముఖ్యంగా భారత్‌తో జరగనున్న మ్యాచ్ అహ్మదాబాద్లో నిర్వహించాలని బీసీసీఐ భావిస్తున్నప్పటికీ.. పాక్ మాత్రం హైదరాబాద్‌లోనే టీమ్ఇండియాతో మ్యాచ్ ఆడేందుకు సుముఖత చూపిస్తోందని సమాచారం.
World cup 2023 : టోర్నీ నిర్వహణకు ఐసీసీ క్లియరెన్స్‌ ఇచ్చినప్పటికీ.. బీసీసీఐ వన్డే వరల్డ్‌కప్‌కు సంబంధించిన షెడ్యూల్‌ను ఇంకా విడుదల చేయాల్సి ఉంది. ఈ క్రమంలో ఐపీఎల్‌ ముగిసిన తర్వాతనే.. బీసీసీఐ ఈ షెడ్యూల్‌ను అనౌన్స్‌ చేసే అవకాశాలు కూడా కనిపిస్తున్నాయి. కాగా, ఇదివరకే ఐసీసీ అక్టోబర్ 5 నుంచి నవంబర్‌ 19 వరకు వన్డే ప్రపంచకప్ జరుగుతుందని ప్రకటించింది. మరోవైపు అహ్మదాబాద్ వేదికగా అక్టోబర్ 5న ఇంగ్లండ్‌, న్యూజిలాండ్‌ మధ్య మ్యాచ్‌తో ఈ మెగాటోర్నీ ఆరంభమయ్యే అవకాశం ఉంది. ఇందులో భాగంగా ఇక టోర్నీ ఫైనల్‌ మ్యాచ్ను నవంబర్‌ 19న అహ్మదాబాద్‌లోనే నిర్వహిస్తే బాగుంటుందని ఐసీసీ అభిప్రాయపడుతోంది.
Ind Vs Pak WC 2023 : ఇక ప్రముఖ క్రికెట్ న్యూస్ వెబ్సైట్ క్రిక్బజ్ తెలిపిన సమాచారం ప్రకారం.. పాకిస్థాన్తో టీమ్ఇండియా ఆడనున్న తొలి మ్యాచ్ అక్టోబర్ 15న జరిగే అవకాశాలున్నాయి. ఈ క్రమంలో ప్రపంచ కప్లో ఆడేందుకు పాకిస్థాన్ అంగీకరించినట్లు తెలుస్తోంది. అయితే ఇండియాతో ఆడనున్న మ్యాచ్ను అహ్మదాబాద్లో నిర్వహించే విషయంపై పాక్ బోర్డు అభ్యంతరం వ్యక్తం చేసినట్లు సమాచారం.
India vs Pakistan WC : మరోవైపు ఇక జరగనున్న అన్నీ మ్యాచ్లను పాకిస్థాన్.. హైదరాబాద్, అహ్మదాబాద్, చెన్నై, బెంగళూరులలో ఆడాల్సి ఉన్నప్పటికీ.. అహ్మదాబాద్, బెంగళూరులో ఆడేందుకు మాత్రం ఇష్టపడటం లేదని సమాచారం. దీంతో చిరకాల ప్రత్యర్థుల మ్యాచ్ దాదాపుగా హైదరాబాద్‌లోనే జరిగే అవకాశాలు ఎక్కువగా కనిపిస్తున్నాయని సమాచారం. అంతే కాకుండా ఈ ఏడాది జరగనున్న మ్యాచ్లకు పెద్ద పెద్ద సిటీలు ఆతిథ్యం ఇస్తున్నాయి. ఈ క్రమంలో హైదరాబాద్, చెన్నై, బెంగళూరు, అహ్మదాబాద్, దిల్లీ, కోల్‌కతా, ఇండోర్, ధర్మశాల, గువహటి, రాజ్‌కోట్, రాయ్‌పూర్, ముంబయి లాంటి ప్రదేశాలు ఈ ఏడాది వరల్డ్ కప్కు ఆతిథ్యం ఇవ్వన్నున్నాయి. ప్రతి టీమ్ 9 లీగ్ మ్యాచ్లు ఆడనున్న నేపథ్యంలో.. దాదాపు ప్రతి సిటీలోనూ మ్యాచ్లు జరిగే సూచనలు కనిపిస్తున్నాయి. కాగా ప్రపంచ కప్లో 10 జట్లు ఆడనుండగా.. మొత్తం 48 మ్యాచ్లు జరుగుతాయి.
