Ned vs Afg World Cup 2023 :2023 ప్రపంచకప్లో సంచలన విజయాలు నమోదు చేసిన నెదర్లాండ్స్ - అఫ్గానిస్థాన్ జట్లు లఖ్నవూ వేదికగా శుక్రవారం తలపడ్డాయి. ఈ మ్యాచ్లో నెదర్లాండ్స్ నిర్దేశించిన 180 పరుగుల టార్గెట్ను.. అఫ్గానిస్థాన్ 3 వికెట్లు కోల్పోయి 31.3 ఓవర్లలో ఛేదించింది. స్వల్ప లక్ష్య ఛేదనలో బ్యాటర్లు రహ్మత్ షా (52 పరుగులు), కెప్టెన్ హశ్మతుల్లా షాహిదీ (56*పరుగులు) హాఫ్ సెంచరీలతో అదరగొట్టారు. అజ్మతుల్లా ఓమర్జాయ్ (31*) రాణించాడు. నెదర్లాండ్స్ బౌలర్లలో లోగన్ వాన్ బిక్, రియోల్ఫ్ వెండర్మెర్వ్, జుల్ఫికర్ తలో వికెట్ దక్కించుకున్నారు. మూడు వికెట్లతో రాణించిన అఫ్గాన్ ఆల్రౌండర్ మహ్మద్ నబీకి 'మ్యాన్ ఆఫ్ ది మ్యాచ్ అవార్డు' లభించింది. ఇక ఈ గెలుపుతో అఫ్గాన్.. మెగాటోర్నీలో నాలుగో విజయాన్ని నమోదు చేసింది. దీంతో 8 పాయింట్లతో పట్టికలో ఐదో స్థానానికి చేరుకుంది.
స్వల్ప లక్ష్య ఛేదనలో అఫ్గాన్ నిలకడగానే ఆడింది. ఓపెనర్లు రహ్మానుల్లా గుర్భాజ్ (10), ఇబ్రహీమ్ జర్దాన్ (20) తక్కువ పరుగులకే వెనుదిరిగినా.. రహ్మత్ షా, కెప్టెన్ షాహిదీ ఆదుకున్నారు. ఈ క్రమంలోనే రహ్మత్ షా.. వరుసగా మూడో హాఫ్ సెంచరీ నమోదు చేశాడు. ఇక అఫ్గాన్ విజయం దిశగా వెళ్తున్న సమయంలో రహ్మత్ షా.. ఔటనా, షాహిదీ మిగిలిన పనిని ఓమర్జాయ్తో కలిసి పూర్తి చేశాడు.