Kamran Akmal On Virat Kohli Centuries :టీమ్ఇండియా స్టార్ బ్యాటర్ విరాట్ కోహ్లీ.. వన్డేల్లో 50 శతకాలు పూర్తి చేసి ప్రపంచ రికార్డు నెలకొల్పాడు. అతడు రీసెంట్గా వరల్డ్కప్ సెమీస్లో న్యూజిలాండ్తో మ్యాచ్లో ఈ ఘనత అందుకున్నాడు. ఈ నేపథ్యంలో గత పదేళ్లుగా క్రికెట్ దిగ్గజం సచిన్ తెందూల్కర్ (49) పేరిట ఉన్న రికార్డును.. విరాట్ బద్దలుకొట్టి ఔరా అనిపించాడు. దీంతో అతడిపై ప్రసంశల వర్షం కురిసింది. అయితే ఈ రికార్డును బద్దలుకొట్టే ఆటగాడు తమ జట్టులో ఉన్నాడంటూ.. పాకిస్థాన్ మాజీ క్రికెటర్ కమ్రాన్ అక్మల్ ఆసక్తికర వ్యాఖ్యలు చేశాడు.
కమ్రాన్ అక్మల్ రీసెంట్గా పాకిస్థాన్ మీడియా ఛానెల్ డిబెట్లో పాల్గొన్నాడు. ఈ డిబెట్లో విరాట్ కోహ్లీ వన్డే సెంచరీల ప్రస్తావన రాగా.. అక్మల్ ఈ విషయంపై మాట్లాడాడు. ఏ జట్టులోనైనా టాప్ 3 బ్యాటర్లు ఈ రికార్డు బ్రేక్ చేసే ఛాన్స్ ఉందని అన్నాడు. "50 సెంచరీల రికార్డును టాపార్డర్ బ్యాటర్లు మాత్రమే బ్రేక్ చేయగలరు. మిడిలార్డర్ బ్యాటర్లు ఈ ఘనత అందుకోలేరు. అయితే మా జట్టులో బాబర్ ఆజామ్కు ఈ రికార్డు బ్రేక్ చేసే సత్తా ఉంది. వాళ్ల జట్టు(టీమ్ఇండియా)లో శుభ్మన్ గిల్కు కూడా ఛాన్స్ ఉంది" అని అక్మల్ అన్నాడు.
Babar Azam ODI Stats :పాకిస్థాన్ మాజీ కెప్టెన్ బాబర్ ఆజామ్.. ఇప్పటివరకు 117 వన్డే మ్యాచ్లు ఆడాడు. 56.72 సగటున 5729 పరుగులు చేశాడు. ఇందులో 19 సెంచరీలు, 32 హాఫ్ సెంచరీలు ఉన్నాయి. ప్రస్తుతం బాబర్ వయసు 29 ఏళ్లు. ఈ లెక్కన బాబర్.. విరాట్ సెంచరీలు అధిగమించాలంటే మరో 32 శతకాలు బాదాలి.