టీ20 ప్రపంచకప్(ICC T20 World Cup) కోసం ఎంపిక చేసిన భారత జట్టులో స్పిన్నర్ యుజ్వేంద్ర చాహల్ను ఎంపిక చేయకపోవడంపై అభ్యంతరం వ్యక్తం చేశాడు మాజీ బ్యాట్స్మన్ వీరేంద్ర సెహ్వగ్. అటు శ్రీలంక పర్యటనలో.. ఇటు ఐపీఎల్లో అద్భుతంగా రాణిస్తున్న చాహల్ను(Chahal Selection) ఎంపిక చేయకపోవడానికి కారణమేంటని బీసీసీఐ సెలెక్టర్లను సూటిగా ప్రశ్నించాడు.
"ఐపీఎల్లో చాహల్ ఆడిన గత రెండు మ్యాచ్ల్లో ఎంతో అద్భుతంగా బౌలింగ్ చేశాడు. స్పిన్ బౌలింగ్లో అదే ఫామ్ను కొనసాగిస్తున్నాడు. అలాంటి ప్రదర్శననే శ్రీలంకతో జరిగిన సిరీస్లోనూ రాణించాడు. టీ20 ఫార్మాట్లో ఎలా బౌలింగ్ చేయాలో అతడికి తెలుసు. ఇంతగా నైపుణ్యం ఉన్న బౌలర్ను టీ20 ప్రపంచకప్ కోసం సెలెక్టర్లు ఎందుకు ఎంపిక చేయలేదో నాకు అర్థం కావడం లేదు".