IPL 2023 : ఐపీఎల్ 16 సీజన్లో భాగంగా గుజరాత్ టైటాన్స్, కోల్కతా నైట్ రైడర్స్ మధ్య మ్యాచ్ ప్రారంభమయ్యింది. ఈ క్రమంలో గుజరాత్ జట్టు టాస్ గెలిచి.. బ్యాటింగ్ ఎంచుకుంది. ప్రత్యర్థి జట్టు కోల్కతాకు బౌలింగ్ అప్పగించింది.
గుజరాత్ టైటాన్స్ జట్టు :వృద్ధిమాన్ సాహా(వికెట్ కీపర్), శుభ్మన్ గిల్, సాయి సుదర్శన్, విజయ్ శంకర్, డేవిడ్ మిల్లర్, రాహుల్ తెవాతియా, రషీద్ ఖాన్(కెప్టెన్), మహ్మద్ షమి, అల్జారీ జోసెఫ్, యష్ దయాల్, అభినవ్ మనోహర్
కోల్కతా నైట్ రైడర్స్ జట్టు :రహ్మదుల్లా గుర్బజ్(వికెట్ కీపర్), ఎన్ జగదీశన్, నితీశ్ రాణా(కెప్టెన్), రింకు సింగ్, ఆండ్రూ రస్సెల్, సునీల్ నరైన్, శార్దుల్ ఠాకూర్, సుయాన్ష్ శర్మ, లాకీ ఫెర్గుసన్, ఉమేశ్ యాదవ్, వరున్ చక్రవర్తి
టాస్ గెలిస్తే.. బ్యాటింగ్ అనుకున్నాం : నితీశ్ రాణా
టాస్ గెలిస్తే మేము ఫస్ట్ బ్యాటింగ్ చేయాలని అనుకున్నాం. వెదర్, పిచ్ పరిస్థితులు బాగున్నాయి. టార్గెట్ను కాపాడుకోవడం సులభం అవుతుంది అనిపిస్తోంది. మా స్పన్నర్లు.. గుజరాత్ బ్యాటర్లను అడ్డుకోగలరని అనుకుంటున్నా. ఈ మ్యాచ్లో టిమ్ సౌథీ, మన్దీప్ సింగ్ స్థానాల్లో లాకీ ఫెర్గూసన్, జగదీశన్ తుది జట్టులోకి వచ్చారు.
పిచ్ చాలా బాగుంది : రషీద్ ఖాన్
నరేంద్రమోదీ స్టేడియంలో వికెట్ చాలా బాగుందని గుజరాత్ కెప్టెన్ రషీద్ ఖాన్ అన్నాడు.' ఈ పిచ్ బాగుంది. అందుకే బ్యాటింగ్ ఎంచుకున్నాం. కోల్కతా ముందు మంచి లక్ష్యం ఉంచుతామని అనుకుంటున్నాం. ఒంట్లో బాగోలేకపోవడం వల్ల హార్దిక్ ఈ మ్యాచ్ ఆడటం లేదు. హార్దిక్ స్థానంలో విజయ్ శంకర్ను తీసుకున్నాం.' అని రషీద్ చెప్పాడు.
గెలుపు ఉత్సాహంతో గుజరాత్..
స్టార్ బ్యాటర్ హార్దిక్ పాండ్య సారథ్యంలోని గుజరాత్ టైటాన్స్ జట్టు.. వరుస విజయాలతో ఊపుమీద ఉంది. అటు బ్యాటింగ్లో ఇటు బౌలింగ్ లోనూ ఆధిపత్యం కనబరుస్తోంది. మొదట బ్యాటింగ్ చేస్తే భారీ టార్గెట్ను ప్రత్యర్థుల ముందు ఉంచుతోంది. ప్రత్యర్థి జట్టు ఎక్కువ పరుగులు చేసినా.. టార్గెట్ను ఛేదిస్తోంది. అంతే కాకుండా కట్టుదిట్టమైన బౌలింగ్తో ప్రత్యర్థి జట్టును కట్టడి చేస్తోంది. అదే ఉత్సాహంతో కోల్కతాతో జరుగుతున్న ఈ మ్యాచ్లో గెలవాలని గుజరాత్ అనుకుంటోంది.
పట్టుదలతో కోల్కతా...
కోల్కతా నైట్ రైడర్స్ జట్టు ఇప్పటివరకు రెండు మ్యాచ్లు ఆడింది. ఒక మ్యాచ్లో గెలిచి.. మరో మ్యాచ్లో ఓటమిపాలైంది. ఆర్సీబీతో జరిగిన రెండో మ్యాచ్లో బౌలర్ వరుణ్ చక్రవర్తి కేవలం 19 పరుగులు ఇచ్చి 4 వికెట్లు తీయగా.. మరో బౌలర్ సూయష్ శర్మ మాత్రం రెచ్చిపోయి 3 వికెట్లు తీశాడు. దీంతోపాటు విండీస్ స్టార్ క్రికెటర్ సునీల్ నరైన్ కూడా సత్తా చాటాడు. తొలుత తడబడిన శార్దుల్ ఠాకూర్.. ఆ తర్వాత తేరుకుని పరుగుల వరద పారించాడు. ఆర్సీబీపై విజయం సాధించి ఉత్సాహంగా ఉన్న కోల్కతా నైట్ రైడర్స్ జట్టు.. బలమైన గుజరాత్ టైటాన్తో తలపడుతోంది. ఎలాగైనా గెలవాలనే పట్టుదలతో ఉంది.
