CSK vs SRH: ఐపీఎల్లో శనివారం సన్రైజర్స్ హైదరాబాద్తో మ్యాచ్లో చెన్నై సూపర్ కింగ్స్ నిర్ణీత 20 ఓవర్లలో 7 వికెట్లు కోల్పోయి 154 పరుగులు చేసింది. మొయిన్ అలీ 48 (35 బంతుల్లో) టాప్ స్కోరర్. రాయుడు(27), జడేజా(23) మోస్తరుగా రాణించారు. సన్రైజర్స్ బౌలర్లు కట్టుదిట్టంగా బంతులేయగా.. చెన్నై బ్యాటర్లు తేలిపోయారు. నటరాజన్, వాషింగ్టన్ సుందర్ చెరో రెండు వికెట్లు తీశారు. భువనేశ్వర్, మార్కో జాన్సెన్, మార్క్రమ్ తలో వికెట్ తీశారు.
టాస్ ఓడి బ్యాటింగ్కు దిగిన చెన్నైకి సరైన ఆరంభం దక్కలేదు. పవర్ప్లేలోనే రాబిన్ ఉతప్ప(15), రుతురాజ్ గైక్వాడ్(16) వికెట్లను కోల్పోయింది. ఫామ్లో ఉన్న శివం దూబే(3), ధోనీ(3) విఫలమయ్యారు. ఈ మ్యాచ్ కోసం రెండు జట్లు పలు మార్పులతో బరిలోకి దిగాయి. చెన్నైలో ప్రిటోరియస్ స్థానంలో మహేశ్ తీక్షణ జట్టులోకి వచ్చాడు. సన్రైజర్స్లో సమద్, షెఫర్డ్ స్థానంలో శశాంక్ సింగ్, మార్కో జాన్సెన్ ఈ మ్యాచ్లో ఆడారు.