ఐపీఎల్ 14(IPL 2021) తుది సమరం శుక్రవారం సాయంత్రం జరగనుంది. తొమ్మిదో సారి ఫైనల్కు చేరిన చెన్నై సూపర్ కింగ్స్తో(CSK vs KKR Final) జోరు మీదున్న కోల్కతా నైట్ రైడర్స్తో పోటీ పడనుంది. ఈ నేపథ్యంలో ఇరు జట్ల ఆటగాళ్లూ నెట్స్లో తీవ్రంగా శ్రమిస్తూ.. అమీతుమీ తేల్చుకునేందుకు సిద్ధమవుతున్నారు.
ఫైనల్ మ్యాచ్ నేపథ్యంలో.. నెట్స్లో ప్రాక్టీస్ చేస్తున్న తమ ఆటగాళ్ల వీడియోను పోస్ట్ చేసింది చెన్నై సూపర్ కింగ్స్(CSK IPL). ఈ ప్రాక్టీస్ సెషన్లో ధోనీ హెలికాప్టర్ షాట్తో అదరగొట్టాడు. ఈ వీడియో అభిమానులను బాగా ఆకర్షిస్తోంది. గత మ్యాచ్కు దూరమైన సురేష్ రైనా కూడా ఈ ప్రాక్టీస్ సెషన్లో పాల్గొన్నాడు. దీంతో అతడు తుది పోరులో ఆడతాడని అభిమానులు ఆశిస్తున్నారు.