ఇండియన్ ప్రీమియర్ లీగ్ 2023 సీజన్ గ్రాండ్గా ప్రారంభమైన సంగతి తెలిసిందే. చెన్నై సూపర్ కింగ్స్‌తో జరిగిన ఆరంభ మ్యాచ్‌లో గెలిచి సీజన్ను విజయంతో ప్రారంభించింది డిఫెండింగ్ ఛాంపియన్ గుజరాత్ టైటాన్స్. అయితే ఆడియెన్స్ను మరింత ఆకట్టుకునేందుకు ఐపీఎల్ నిర్వాహకులు, ప్లేయర్స్తో పాటు ఈ మెగాటోర్నీ అధికారిక బ్రాడ్‌కాస్టర్స్ స్టార్ స్పోర్ట్స్(టెలివిజన్), జియో సినిమా(ఓటీటీ) కూడా రకరకాలు ప్రయత్నాలు చేస్తున్నాయి.
ఇప్పటివరకు స్టార్ స్పోర్ట్సే అటు టెలివిజన్కు, ఇటు డిజిటల్కు అధికారిక బ్రాడ్ కాస్టర్‌గా వ్యవహరించగా.. ఈసారి హాట్‌స్టార్‌తో రిలయన్స్ జియో కూడా రేసులోకి దిగింది. దీంతో ఈ రెండు సంస్థల మధ్య తీవ్ర పోటీ నెలకొంది. లీగ్ క్యాంపైన్ నుంచి ప్రత్యక్ష ప్రసారాల వరకు స్టార్ స్పోర్ట్స్, జియో సినిమా.. రేటింగ్స్ కోసం బాగా ఖర్చు చేశాయి. స్థానిక భాషల్లో ప్రసారమవుతున్న ఈ లీగ్‌లో అక్కడి సూపర్ స్టార్స్‌తో కామెంట్రీ చెప్పించే ప్రయత్నాలు కూడా చేశాయి. ఈ క్రమంలోనే స్టార్ స్పోర్ట్స్.. తెలుగులో నందమూరి నటసింహం బాలకృష్ణ చేత కామెంట్రీ చెప్పించగా.. భోజ్‌పురి భాషలో అక్కడి మెగాస్టార్, ఎంపీ రవి కిషన్ చేత కామెంట్రీ చెప్పించింది.
ఆయన కామెంటేటరి స్టైల్కు క్రికెట్ అభిమానులు, నెటిజన్లు ఫిదా అయిపోయారు. ఆయన కామెంటేటరి చేసిన విధానికి తెలుగు అభిమానులైతే రేసుగుర్రం సినిమాను గుర్తుచేసుకుంటున్నారు. ఆ చిత్రంలో ఆయన మద్దాలి శివా రెడ్డిగా విలన్ పాత్రలో కనిపించారు. "నన్ను కొట్టేసి వెళ్లిపోయిన తర్వాత అయినా ఈ మద్దాలి శివారెడ్డి అనేవాడు ఫలానావాడు. వాడు మామూలోడు కాదు. వాడింకా చావలేదు. హాస్పిటల్లోనే ఉన్నాడు. లేస్తే వస్తాడు. వస్తే ఏసేస్తాడు" అంటూ అల్లు అర్జున్‌ను వార్నింగ్ ఇస్తూ ఆయన చెప్పిన డైలాగ్ చాలా పాపులర్ అయింది. ఇప్పుడా డైలాగ్ స్టైల్లోనే.. భోజ్‌పురి భాషలో రవి కిషన్ చెప్పిన కామెంటేటరీకి ఫ్యాన్స్ ఫుల్ ఫిదా అవుతున్నారు. ఆయన కామెంటేటరి ముందు ఇంగ్లీష్, హిందీ కూడా తక్కువేనని కామెంట్లు చేస్తున్నారు. ప్రస్తుతం ఆయన కామెంటేటరి చేస్తున్న ఫొటోలు, వీడియోలు నెట్టింట వైరల్‌గా అవుతున్నాయి.
కాగా, రవి కిషన్.. తన తల్లి ప్రోత్సాహంతో అలాగే తన కష్టంతో మంచి నటుడిగా గుర్తింపు పొందారు. భోజ్‌పురిలో హీరోగా, నటుడిగా ఆడియెన్స్లో ఫుల్ క్రేజ్ దక్కించుకున్నారు. బాలీవుడ్తో పాటు సౌత్ ఇండస్ట్రీలోనూ మంచి పేరు సంపాదించుకున్నారు. ఐకాన్ స్టార్ అల్లు అర్జున్ నటించిన 'రేసుగుర్రం'తో టాలీవుడ్కు ఎంట్రీ ఇచ్చారు. విలన్‌గా తెలుగు ప్రేక్షకులకు బాగా అలరించారు. ఇంకా టాలీవుడ్లో కిక్ 2, ఒక అమ్మాయి తప్ప, సుప్రీమ్, లై, రాధ, సాక్ష్యం, ఎమ్ఎల్ఏ, సైరా నరసింహారెడ్డి, ఎన్టీఆర్ కథానాయకుడు, హీరో వంటి చిత్రాల్లో కీలక పాత్రలు పోషించారు. గతేడాది ఖాఖీ: ది బీహార్‌ చాప్టర్‌ వెబ్‌ సిరీస్‌లోనూ కనిపించి అలరించారు.
ఇదీ చూడండి:ఆమె రాత్రికి రమ్మంది!.. క్యాస్టింగ్ కౌచ్పై 'రేసు గుర్రం' యాక్టర్ షాకింగ్ కామెంట్స్
