కొత్త జట్టుకు పెద్ద దెబ్బ.. ఐపీఎల్ నుంచి ఆ బౌలర్ ఔట్

IPL 2022: ఐపీఎల్ మరో వారం రోజుల్లో ప్రారంభం కానున్న క్రమంలో కొత్త జట్టు లఖ్​నవూ సూపర్​ జెయింట్స్​ జట్టుకు భారీ షాక్ తగిలింది. ఈ జట్టులోని కీలక బౌలర్ మార్క్ వుడ్.. గాయం కారణంగా ఈ సీజన్ నుంచి తప్పుకున్నాడు.

IPL 2022: ఐపీఎల్ కొత్త ​ జట్టు లఖ్​నవూ సూపర్​ జెయింట్స్​కు భారీ షాక్ తగిలింది. మోచేతి గాయం కారణంగా ఆ జట్టులోని ఇంగ్లాండ్ పేసర్ మార్క్ వుడ్ ఈ సీజన్​ నుంచి తప్పుకున్నాడు.

వెస్టిండీస్​తో జరుగుతున్న టెస్టులో గతవారం వుడ్​కు గాయం అయింది. ఈ మేరకు వుడ్​ ఆరోగ్య పరిస్థితికి సంబంధించిన సమాచారాన్ని ఇంగ్లాండ్ క్రికెట్ బోర్డు.. లఖ్​నవూ సూపర్ జెయింట్స్​కు పంపించింది. మరి మార్క్​ వుడ్​కు బదులు తుది జట్టులో ఎవరికి అవకాశం దక్కుతుందో చూడాలి.

మార్క్ వుడ్​ను వేలంలో రూ.7.5కోట్లకు కొనుగోలు చేసింది లఖ్​నవూ సూపర్​ జెయింట్స్. 2018లో వుడ్ చెన్నై సూపర్ కింగ్స్ తరఫున ఆడాడు. ఈ జట్టుకు కేఎల్ రాహుల్​ కెప్టెన్​గా వ్యవహరిస్తున్నారు.

ఇదీ చూడండి:MS Dhoni Jersey No: నా లక్కీ నంబర్ 7​ కాదు: ధోనీ