అబుదాబి వేదికగా మరో రసవత్త పోరుకు రంగం సిద్ధమైంది. ఎనిమిది మ్యాచుల్లో నాలుగు గెలిచి, నాలుగో స్థానంలో ఉన్న కోల్కతా... ఐదో స్థానంలో ఉన్న హైదరాబాద్ అమీతుమీ తేల్చుకోనున్నాయి. తాము ఆడిన గత మ్యాచుల్లో ఓడిన ఇరుజట్లు.. ఈ సారి ఎలాగైనా సరే గెలవాలనే పట్టుదలతో ఉన్నాయి.
ఈ మ్యాచ్లోనైనా గెలుస్తుందా?
వరుస వైఫల్యాలతో కోల్కతా విమర్శలు ఎదుర్కొంటోంది. ఈ కారణంగానే దినేశ్ కార్తిక్ కెప్టెన్సీ నుంచి తప్పుకుని మోర్గాన్ ఆ బాధ్యతలు అప్పగించాడు. అయినా సరే ముంబయితో గత మ్యాచ్లో ఓడింది. అందులో కమిన్స్(53), మోర్గాన్(39) మినహా మిగిలిన బ్యాట్స్మెన్ పేలవ ప్రదర్శన చేశారు. కోల్కతా బౌలర్లు కూడా దారుణంగా విఫలమయ్యారు. సన్రైజర్స్తో మ్యాచులో పూర్తి దృష్టి సారించి, సరైనా వ్యూహాలతో బరిలో దిగాలి!
ఏమో అనుమానమే
ఎనిమిది మ్యాచుల్లో మూడింట గెలిచింది హైదరాబాద్. పాయింట్ల పట్టికలో దిగువ నుంచి మూడో స్థానంలో ఉంది. ప్లే ఆఫ్స్లో అడుగుపెట్టాలంటే ఇకపై ప్రతి మ్యాచ్ గెలవాల్సి ఉంటుంది. ఓపెనర్లు బెయిర్ స్టో, వార్నర్లు ప్రదర్శనలో నిలకడ లోపిస్తోంది. మిడిల్ ఆర్డర్లో మనీశ్ పాండే, కేన్ విలియమ్సన్, ప్రియమ్ గార్గ్ కూడా అంతే. మొత్తంగా వీరంతా విజృంభిస్తేనేనే కోల్కతాపై గెలవొచ్చు. లేదంటే కథ మళ్లీ మాములే. బౌలింగ్లో యార్కర్ స్పెషలిస్టు నటరాజన్, స్పినర్ రషీద్ ఖాన్తో బలంగా ఉంది. కానీ ఫలితం లేకుండా పోతుంది. ఇలాంటి సమయంలో సన్రైజర్స్ ఏం చేస్తుందో చూడాలి.
జట్లు (అంచనా)
కోల్కతా: రాహుల్ త్రిపాఠి, శుభ్మన్ గిల్, నితీశ్ రాణా, మోర్గాన్(కెప్టెన్), దినేశ్ కార్తిక్, రసెల్, క్రిస్ గ్రీన్, కమిన్స్, శివమ్ మావి, వరుణ్ చక్రవర్తి, ప్రసిద్ధ్ కృష్ణ
హైదరాబాద్: డేవిడ్ వార్నర్ (కెప్టెన్), బెయిర్‌స్టో (వికెట్ కీపర్), మనీశ్ పాండే, కేన్ విలియమ్సన్, ప్రియమ్ గార్గ్, విజయ్ శంకర్, షాబాజ్ నదీమ్, రషీద్ ఖాన్, సందీప్ శర్మ, ఖలీల్ అహ్మద్, టి నటరాజన్
