కింగ్స్ ఎలెవన్ పంజాబ్ బ్యాట్స్మన్ నికోలస్ పూరన్ను దిగ్గజ క్రికెటర్ సచిన్ తెందుల్కర్ ప్రశంసించాడు. ఇతడు 'క్లీన్ స్ట్రైకర్' అని.. అతడి ఆట తీరు దక్షిణాఫ్రికా మాజీ క్రికెటర్ జేపీ డుమినిని తలపిస్తుందని మాస్టర్ బ్లాస్టర్ కితాబిచ్చాడు.
"నికోలస్ పూరన్ నుంచి కొన్ని పవర్ప్యాక్డ్ షాట్స్ వచ్చాయి. అవలీలగా బంతిన బౌండరీకి తరలిస్తున్నాడు. అతడి బ్యాటింగ్ శైలితో దక్షిణాఫ్రికా మాజీ బ్యాట్స్మన్ జేపీ డుమినిని గుర్తు చేశాడు"
- సచిన్ తెందుల్కర్, దిగ్గజ ఆటగాడు
దక్షిణాఫ్రికా మాజీ క్రికెటర్ జేపీ డుమిని
మంగళవారం జరిగిన మ్యాచ్లో దిల్లీ క్యాపిటల్స్పై కింగ్స్ ఎలెవన్ పంజాబ్ అద్భుత విజయం సాధించింది. 165 పరుగుల ఛేదనలో పంజాబ్, ఓవర్ మిగిలుండగానే లక్ష్యాన్ని పూర్తి చేసింది. టోర్నీలో హ్యాట్రిక్ గెలుపును నమోదు చేసింది. పంజాబ్ బ్యాట్స్మన్ నికోలస్ పూరన్ అద్భుతమైన బ్యాటింగ్తో జట్టు విజయంలో కీలకపాత్ర పోషించాడు. 28 బంతుల్లో 53 పరుగులు చేసి ఆకట్టుకున్నాడు.
