దిల్లీపై ముంబయి ఘనవిజయం

18:26 October 31

దిల్లీ క్యాపిటల్స్​తో శనివారం జరిగిన మ్యాచ్​లో ముంబయి ఇండియన్స్ అద్భుత విజయం సాధించింది. 111 పరుగుల లక్ష్యాన్ని 14.2 ఓవర్లలోనే ఛేదించి 9 వికెట్ల తేడాతో గెలిచింది. ఇషాన్ కిషన్ 72 పరుగులు చేసి ఆకట్టుకున్నాడు.

18:20 October 31

ఛేదనలో ధాటిగా ఆడిన ముంబయి ఇండియన్స్.. 13 ఓవర్లు పూర్తయ్యే సరికి వికెట్ నష్టానికి 95 పరుగులు చేసింది. క్రీజులో ఇషాన్ కిషన్, సూర్యకుమార్ యాదవ్ ఉన్నారు. విజయానికి 42 బంతుల్లో 16 పరుగులు కావాలి.

18:19 October 31

లక్ష్యాన్ని నెమ్మదిగా కరిగిస్తోంది ముంబయి. ఓపెనర్లు డికాక్ (16), ఇషాన్ కిషన్ (22) ఆచితూచి ఆడుతూ పరుగులు సాధిస్తున్నారు. ప్రస్తుతం 6 ఓవర్లు పూర్తయ్యే సరికి ముంబయి వికెట్ నష్టపోకుండా 38 పరుగులు చేసింది.

17:29 October 31

నెమ్మదిగా ఆడుతోన్న ముంబయి

111 పరుగుల లక్ష్యంతో బరిలోకి దిగిన ముంబయి రెండు ఓవర్లు పూర్తయ్యే సరికి 7 పరుగులు చేసింది. డికాక్ (6), ఇషాన్ (1) క్రీజులో ఉన్నారు.

17:04 October 31

చెలరేగిన ముంబయి బౌలర్లు.. దిల్లీ 110కి పరిమితం

ముంబయితో జరుగుతోన్న మ్యాచ్​లో మొదట బ్యాటింగ్ చేసిన దిల్లీ తక్కువ స్కోర్​కే పరిమితమైంది. ముంబయి బౌలర్లు కట్టుదిట్టమైన బౌలింగ్​తో ఆకట్టుకున్నారు. ఫలితంగా శ్రేయస్ అయ్యర్ (25), పంత్ (21) మినహా మరెవరూ ఎక్కవసేపు క్రీజులో నిలవలేదు. ధావన్ (0), పృథ్వీ షా (10), స్టోయినిస్ (2) పూర్తిగా నిరాశపర్చారు. దీంతో దిల్లీ నిర్ణీత 20 ఓవర్లలో 9 వికెట్ల నష్టానికి 110 పరుగులు చేసింది. ముంబయి బౌలర్లో బుమ్రా, బౌల్ట్ చెరో మూడు వికెట్లతో సత్తాచాటగా కౌల్టర్​నీల్, చాహర్ తలో వికెట్ దక్కించుకున్నారు.

16:59 October 31

దిల్లీ తడబడుతోంది. ప్రస్తుతం 18.1 ఓవర్లు ముగిసే సరికి 8 వికెట్ల నష్టానికి 96 పరుగులు చేసింది.

16:50 October 31

కష్టపడుతోన్న దిల్లీ

16 ఓవర్లకు 7 వికెట్ల నష్టానికి 87 పరుగులు చేసింది దిల్లీ. ప్రవీణ్ దూబే (1), అశ్విన్ (8) క్రీజులో ఉన్నారు.

16:28 October 31

చెలరేగుతున్న ముంబయి బౌలర్లు

దిల్లీ బ్యాట్స్​మెన్ తడబడుతున్నారు. ముంబయి బౌలర్లు తమ బౌలింగ్​తో చెలరేగిపోతున్నారు. చక్కని లైన్ అండ్ లెన్త్​తో బౌలింగ్ చేస్తూ దిల్లీ బ్యాట్స్​మెన్​ను కట్టడి చేస్తున్నారు. పంత్ (21), శ్రేయస్ అయ్యర్ (25) కాసేపు నిలకడగా ఆడినా ముంబయి బౌలర్లు వీరిని నిలదొక్కుకోనివ్వలేదు. స్టోయినిస్ కూడా రెండు పరుగులే చేసి ఔటయ్యాడు. దీంతో ప్రస్తుతం 12 ఓవర్లు పూర్తయ్యే సరికి 5 వికెట్లు కోల్పోయి 63 పరుగులు చేసింది దిల్లీ.  

16:02 October 31

కట్టుదిట్టంగా ముంబయి బౌలింగ్

దిల్లీ బ్యాట్స్​మెన్​కు ఏమాత్రం అవకాశం ఇవ్వట్లేదు ముంబయి బౌలర్లు. కట్టుదిట్టమైన బౌలింగ్​తో కట్టడి చేస్తున్నారు. ధావన్(0)​తో పాటు 10 పరుగులు చేసిన తర్వాత మరో ఓపెనర్ పృథ్వీ షా కూడా పెవిలియన్ బాట పట్టాడు.  ప్రస్తుతం 8 ఓవర్లు పూర్తయ్యే సరికి దిల్లీ రెండు వికెట్ల నష్టానికి 40 పరుగులు చేసింది. పంత్ (6), శ్రేయస్ (21) క్రీజులో ఉన్నారు.

15:38 October 31

నెమ్మదిగా ఆడుతోన్న దిల్లీ

ముంబయితో జరుగుతోన్న మ్యాచ్​లో బ్యాటింగ్ చేస్తోన్న దిల్లీ నెమ్మదిగా ఇన్నింగ్స్ ప్రారంభించింది. ఓపెనర్ శిఖర్ ధావన్ ఖాతా తెరవకుండానే పెవిలియన్ చేరాడు. ప్రస్తుతం రెండు ఓవర్లకు వికెట్ నష్టానికి 7 పరుగులు చేసింది దిల్లీ. పృథ్వీ (2), శ్రేయస్ (4) క్రీజులో ఉన్నారు.

15:08 October 31

జట్లు

దిల్లీ క్యాపిటల్స్

పృథ్వీ షా, శిఖర్ ధావన్, శ్రేయస్ అయ్యర్ (కెప్టెన్), రిషబ్ పంత్, హెట్​మెయర్, స్టోయినిస్, హర్షల్ పటేల్, రబాడ, రవిచంద్రన్ అశ్విన్, ప్రవీణ్ దూబే, ఎన్రిచ్ నోకియా

ముంబయి ఇండియన్స్

డికాక్, ఇషాన్ కిషన్, సూర్యకుమార్ యాదవ్, సౌరభ్ తివారీ, కృనాల్ పాండ్యా, పొలార్డ్ (కెప్టెన్), కౌల్టర్​నీల్, రాహుల్ చాహర్, జయంత్ యాదవ్, బౌల్ట్, బుమ్రా

14:41 October 31

దిల్లీ బ్యాటింగ్

ఇప్పటికే ప్లేఆఫ్స్​కు చేరుకున్న ముంబయి ఇండియన్స్.. దానికి అడుగు దూరంలో ఉన్న దిల్లీ క్యాపిటల్స్ మధ్య నేడు (శనివారం) మ్యాచ్​ జరగనుంది. గత మ్యాచ్​ల్లో గెలిచి ముంబయి దూకుడుగా ఉండగా, హ్యాట్రిక్​ ఓటములతో డీలా పడింది దిల్లీ. ఈ రెండు జట్లు తలపడుతోన్న మ్యాచ్​లో మొదట టాస్ గెలిచిన ముంబయి బౌలింగ్ ఎంచుకుంది. ఈ మ్యాచ్​కూ రోహిత్ దూరమయ్యాడు.