చెన్నై సూపర్ కింగ్స్ సారథి ధోనీ.. ఈ సీజన్తో ఐపీఎల్ కెరీర్కు రిటైర్మెంట్ ప్రకటించనున్నాడా? ఇకపై ఈ సీజన్ నుంచి బిగ్ బాష్ లీగ్(బీబీఎల్)లో ఆడనున్నాడా? అంటే అవుననే అంటున్నాయి క్రికెట్ వర్గాలు.
ఈ ఏడాది బీబీఎల్లో విదేశీ ఆటగాళ్ల సంఖ్యను రెండు నుంచి మూడుకు పెంచే యోచనలో ఉన్నట్లు సమాచారం. ప్రస్తుతం చర్చలు కూడా జరుగుతున్నట్లు తెలుస్తోంది. ఈ క్రమంలోనే భారత మాజీ క్రికెటర్లు ధోనీ, సురేశ్ రైనా, యువరాజ్ సింగ్ లాంటి ఆటగాళ్లపై అక్కడి ఫ్రాంచైజీలు ఆసక్తి చూపుతున్నాయట. తమ జట్లు మరింత బలంగా తయారవ్వడం సహా బ్రాండ్ విలువను పెంచుకోవడం కోసమే ఈ నిర్ణయం తీసుకున్నారట.
నిరభ్యంతర ధ్రువీకరణ పత్రం ఇవ్వాల్సిందే
యువరాజ్ సింగ్ మినహా ధోనీ, రైనా ఐపీఎల్లో భాగస్వాములే. లీగ్ కెరీర్కు యువీ రిటైర్మెంట్ ప్రకటించగా.. ధోనీ ప్రస్తుతం ఆడుతున్నాడు. రైనా వ్యక్తిగత కారణాల వల్ల ఈ సీజన్కు దూరమయ్యాడు. అయితే ఈ ముగ్గురు బీబీఎల్లో ఆడాలంటే బీసీసీఐ నుంచి నిరభ్యంతర ధ్రువీకరణ పత్రం తీసుకోవాల్సి ఉంటుంది. మరి వీరు బిగ్బాష్లో ఆడటానికి ఆసక్తి చూపిస్తారా? లేదా? ఒకవేళ ఆడాలనుకుంటే భారత క్రికెట్ బోర్డు వీరికి అనుమతిస్తుందా? అనేది వేచి చూడాలి.