ఆర్సీబీపై పంజాబ్​ విజయం

23:03 September 24

రాయల్​ ఛాలెంజర్స్​ బెంగళూరుపై ​ కింగ్స్​ ఎలెవన్​ పంజాబ్​ 97 పరుగుల తేడాతో విజయం సాధించింది. 207 పరుగుల లక్ష్యంతో బరిలో దిగిన ఆర్సీబీ 109కే పరిమితమైంది. బౌలర్లలో కాట్రెల్​(2) రవి బిష్ణోయ్​(3) మహ్మద్​ షమీ(1) మురుగన్ అశ్విన్​(3), గ్లెన్​ మ్యాక్స్​వెల్​(1)  వికెట్లు తీశారు. పంజాబ్​ జట్టు విజయంలో సారథి కేఎల్​ రాహుల్​(132) శతకంతో మెరిసి.. ఈ ఇన్నింగ్స్​ను వన్​ మ్యాన్​ షోగా నడిపించాడు.  మయాంక్​ అగర్వాల్(26), నికోలస్​ పూరన్​(17) పర్వాలేదనిపిచ్చారు.

22:49 September 24

బెంగళూరు ఓటమికి చేరువలో ఉంది. ప్రస్తుతం 15.1 ఓవర్లలో 8 వికెట్ల నష్టానికి 101 పరుగులు చేసింది. విజయానికి 28 బంతుల్లో 106 పరుగులు కావాలి. 

22:16 September 24

బెంగళూరు స్టార్ బ్యాట్స్​మన్ డివిలియర్స్.. మురుగన్ అశ్విన్ బౌలింగ్​లో క్యాచ్​ ఔటయ్యాడు. ప్రస్తుతం 5 వికెట్ల నష్టానికి 57 పరుగులు చేసి కష్టాల్లో ఉంది కోహ్లీసేన. విజయానికి 70 బంతుల్లో 150 పరుగులు కావాలి.

22:12 September 24

రాయల్ ఛాలెంజర్స్ బెంగళూరు నాలుగో వికెట్​ కోల్పోయింది. ఆరోన్ ఫించ్ 20 పరుగులు చేసి వెనుదిరిగాడు. క్రీజులో డివిలియర్స్, వాషింగ్టన్ సుందర్ ఉన్నారు. ప్రస్తుతం 8 ఓవర్లు పూర్తయ్యేసరికి 53 పరుగులు చేసింది కోహ్లీసేన.

21:47 September 24

కెప్టెన్ కోహ్లీ కూడా ఒక పరుగే చేసి కాట్రెల్ బౌలింగ్​లో ఔటయ్యాడు. ప్రస్తుతం క్రీజులో డివిలియర్స్, ఫించ్ ఉన్నారు. మూడు ఓవర్లలో మూడు వికెట్ల నష్టానికి ఐదు పరుగులు చేసింది బెంగళూరు జట్టు.

21:39 September 24

భారీ లక్ష్య ఛేదనను ప్రారంభించింది బెంగళూరు జట్టు. గత మ్యాచ్​లో అర్థ శతకంతో ఆకట్టుకున్న దేవ్​దత్.. తొలి ఓవర్​లోనే కేవలం ఒక పరుగే చేసి ఔటయ్యాడు. తర్వాతి ఓవర్​లో జోష్ ఫిలిప్పి ఎల్బీడబ్ల్యూగా వెనుదిరిగాడు. ప్రస్తుతం 2 ఓవర్లలో రెండు వికెట్ల నష్టానికి 4 పరుగులు చేసింది కోహ్లీసేన. క్రీజులో ఫించ్, కోహ్లీ ఉన్నారు.

21:12 September 24

పంజాబ్ కెప్టెన్ కేఎల్ రాహుల్ విజృంభించాడు. ఆకాశమే హద్దుగా చెలరేగి, 69 బంతుల్లో 132 పరుగులు చేశాడు. ఇందులో 14 ఫోర్లు, 7 సిక్సర్లు ఉన్నాయి. మొత్తంగా నిర్ణీత 20 ఓవర్లలో 206 పరుగులు చేసింది పంజాబ్ జట్టు. మిగిలిన బ్యాట్స్​మెన్​లో మయాంక్ అగర్వాల్ 26, నికోలస్ పూరన్ 17, మ్యాక్స్​వెల్ 5, కరుణ్ నాయర్ 15 కొట్టారు. బెంగళూరు బౌలర్లలో శివమ్ దూబే 2, చాహల్ ఓ వికెట్ తీశారు. 

21:01 September 24

కింగ్స్​ ఎలెవన్​ పంజాబ్​ మూడో వికెట్ కోల్పోయింది. ఐదు పరుగులు చేసిన మ్యాక్స్​వెల్ శివమ్ దూబే బౌలింగ్​లో ఔటయ్యాడు. క్రీజులో రాహుల్, కరుణ్ నాయర్ ఉన్నారు. 17 ఓవర్లలో ప్రస్తుతం 146 పరుగులు చేసింది.

20:41 September 24

రెండో వికెట్​ కోల్పోయిన పంజాబ్​..

కింగ్స్​ ఎలెవన్​ పంజాబ్​ రెండో వికెట్​ కోల్పోయింది. 17 పరుగులు చేసి శివం దూబే బౌలింగ్​లో వెనుదిరిగాడు నికోలస్​ పూరన్​. 13.1 ఓవర్లకు పంజాబ్​ 2 వికెట్లు కోల్పోయి 114 పరుగులు చేసింది. 

20:31 September 24

రాహుల్​ అర్ధసెంచరీ..

పంజాబ్​ ఓపెనర్​, కెప్టెన్​ కేఎల్​ రాహుల్​ అర్ధసెంచరీ చేశాడు. 36 బంతుల్లోనే మైలురాయిని అందుకున్నాడు. 12 ఓవర్లు ముగిసేసరికి జట్టు స్కోరు  /1

20:28 September 24

11 ఓవర్లకు పంజాబ్ స్కోరు​ 95/1

బెంగళూరుతో మ్యాచ్​లో పంజాబ్​ జట్టు చెలరేగి ఆడుతోంది. రాహుల్​, నికోలస్​ పూరన్​ అద్భుతంగా ఆడుతున్నారు. 11 ఓవర్లకు జట్టు స్కోరు 95/1.

20:07 September 24

పంజాబ్ తొలి వికెట్ కోల్పోయింది. 26 పరుగులు చేసిన మయాంక్ అగర్వాల్.. చాహల్ బౌలింగ్​లో ఔటయ్యాడు. ప్రస్తుతం ఏడు ఓవర్లకు 57 పరుగులు చేసింది. క్రీజులో రాహుల్, పూరన్ ఉన్నారు. 

19:50 September 24

కింగ్స్ ఎలెవన్ పంజాబ్ నిలకడగా బ్యాటింగ్ చేస్తోంది. ఐదు ఓవర్లు పూర్తయ్యేసరికి వికెట్లేమి కోల్పోకుండా 41 పరుగులు చేసింది. మయాంక్, రాహుల్ బ్యాటింగ్ చేస్తున్నారు. 

19:31 September 24

పంజాబ్ జట్టు బ్యాటింగ్ ప్రారంభించింది. రెండు ఓవర్లు పూర్తయ్యేసరికి వికెట్లేమి నష్టపోకుండా 17 పరుగులు చేసింది. క్రీజులో కేఎల్ రాహుల్, మయాంక్ అగర్వాల్ ఉన్నారు.

18:59 September 24

టాస్ గెలిచిన బెంగళూరు కెప్టెన్ కోహ్లీ బౌలింగ్ ఎంచుకున్నాడు. పంజాబ్​ బ్యాటింగ్ ప్రారంభించనుంది. దుబాయ్ వేదికగా ఈ మ్యాచ్ జరుగుతుంది.

జట్లు

బెంగళూరు:దేవ్​దత్ పడిక్కల్, ఫించ్, కోహ్లీ(కెప్టెన్), డివిలియర్స్, శివమ్ దూబే, జోష్ ఫిలిప్పి, వాషింగ్టన్ సుందర్, నవ్​దీప్ సైనీ, ఉమేశ్ యాదవ్, స్టెయిన్, చాహల్

పంజాబ్: కేఎల్ రాహుల్(కెప్టెన్), మయాంక్ అగర్వాల్, కరుణ్ నాయర్, నికోలస్ పూరన్, గ్లెన్ మ్యాక్స్​వెల్, సర్ఫరాజ్ ఖాన్, జేమ్స్ నీషమ్, మహమ్మద్ షమి, మురుగన్ అశ్విన్, షెల్డన్ కాట్రెల్, రవి బిష్ణోయ్

18:17 September 24

తొలి బ్యాట్స్​మన్ కోహ్లీనే అవుతాడు!

బెంగళూరు కెప్టెన్ కోహ్లీ

దుబాయ్ వేదికగా రాయల్ ఛాలెంజర్స్ బెంగళూరు, కింగ్స్ ఎలెవన్ పంజాబ్ మధ్య గురవారం మ్యాచ్​ జరగనుంది. తొలి మ్యాచ్​లో గెలిచి కోహ్లీసేన ఉత్సాహంతో ఉండగా, అనుహ్య రీతిలో తొలి మ్యాచ్ చేజార్చుకున్న పంజాబ్.. ఈసారి ఎలాగైనా సరే గెలవాలనే పట్టుదలతో ఉంది. మరో 74 పరుగులు చేస్తే ఐపీఎల్​లో 5500 పరుగులు చేసిన తొలి బ్యాట్స్​మన్​గా చరిత్ర సృష్టిస్తాడు ఆర్సీబీ కెప్టెన్ కోహ్లీ. భారతకాలమానం ప్రకారం రాత్రి ఏడున్నరకు మ్యాచ్​ ప్రారంభం కానుంది.