ఐపీఎల్: స్లో ఓవర్​ రేట్ కారణంగా కోహ్లీకి జరిమానా

స్లో ఓవర్​ రేట్ కారణంగా బెంగళూరు రాయల్ ఛాలెంజర్స్​ సారథి విరాట్​ కోహ్లీకి జరిమానా పడింది. గురువారం కింగ్స్ ఎలెవన్ పంజాబ్​తో జరిగిన మ్యాచ్​లో ఓవర్లు నెమ్మదిగా వేసినందుకు ఫైన్ విధించారు అధికారులు.

కింగ్స్ ఎలెవన్ పంజాబ్​తో జరిగిన మ్యాచ్​లో రాయల్ ఛాలెంజర్స్ బెంగళూరు ఓటమి చవిచూసింది. అయితే ఈ మ్యాచ్​లో స్లో ఓవర్​ రేట్ కారణంగా బెంగళూరు సారథి విరాట్ కోహ్లీకి జరిమానా విధించారు. అతడికి 12 లక్షలు ఫైన్ విధిస్తూ నిర్ణయం తీసుకున్నారు లీగ్ అధికారులు.

"ఐపీఎల్​లో భాగంగా పంజాబ్​తో జరిగిన మ్యాచ్​లో బెంగళూరు స్లో ఓవర్ రేట్​కు కారణమైంది. అందువల్ల లీగ్ నిబంధనల ప్రకారం సారథికి 12 లక్షల జరిమానా విధించాం."

-లీగ్ ప్రకటన

ఈ మ్యాచ్​లో కోహ్లీసేనపై ​కింగ్స్​ ఎలెవన్​ పంజాబ్​ 97 పరుగుల తేడాతో విజయం సాధించింది. 207పరుగుల లక్ష్యంతో బరిలో దిగిన ఆర్​సీబీ 109కే ఆలౌట్​ అయ్యింది. బౌలర్లలో రవి బిష్ణోయ్​(3), మురుగన్ అశ్విన్​(3) రాణించారు. పంజాబ్​ జట్టు విజయంలో సారథి కేఎల్​ రాహుల్​(132) కీలక పాత్ర పోషించాడు. శతకంతో మెరిసి.. ఇన్నింగ్స్​ను వన్​ మ్యాన్​ షోగా నడిపించాడు.

పంజాబ్-బెంగళూర్ మ్యాచ్