సన్​రైజర్స్​పై కోల్​కతాదే విజయం

KKR's main concern has been the inconsistency of its batsmen. KKR boasts of promising players like Rahul Tripathi, Shubman Gill, Morgan and Russell. Despite the fact they all have failed to keep the momentum going.

19:47 October 18

కోల్​కతాదే విజయం

సన్​రైజర్స్​తో జరిగిన మ్యాచ్​లో కోల్​కతా విజయం సాధించింది. సూపర్ ఓవర్ ద్వారా ఫలితం తేలిన మ్యాచ్​లో కేకేఆర్ సునాయాసంగా గెలిచింది. సూపర్ ఓవర్లో 3 పరుగులు చేయాల్సి ఉండగా కార్తిక్, మోర్గాన్ లక్ష్యాన్ని నాలుగు బంతుల్లో పూర్తి చేశారు.

19:40 October 18

కోల్​కతా లక్ష్యం 3 పరుగులు

సూపర్ ఓవర్​లో బ్యాటింగ్​కు దిగిన సన్​రైజర్స్​ కేవలం 2 పరుగులే చేసింది. పెర్గుసన్ అద్భుతంగా బౌలింగ్ చేశాడు. కోల్​కతా 3 పరుగులు చేస్తే విజయం సాధిస్తుంది.

19:25 October 18

సూపర్ ఓవర్​కు సన్​రైజర్స్-కోల్​కతా మ్యాచ్

సన్​రైజర్స్-కోల్​కతా నైట్​రైడర్స్​ మధ్య జరిగిన మ్యాచ్​ టై అయింది. 164 పరుగుల లక్ష్యంతో బరిలో దిగిన సన్​రైజర్స్ నిర్ణీత ఓవర్లలో అవే పరుగులు చేసింది. దీంతో సూపర్ ఓవర్​ ద్వారా ఫలితం తేలనుంది. 

కెప్టెన్ డేవిడ్ వార్నర్ 47 పరుగులతో నాటౌట్​గా నిలిచి మ్యాచ్ టై కావడంలో కీలకపాత్ర పోషించాడు. ఓపెనర్లు బెయిర్ స్టో (36), విలియమ్సన్ (29) మొదటి వికెట్​కు 57 పరుగుల భాగస్వామ్యం నెలకొల్పారు. కానీ మిగతా బ్యాట్స్​మెన్ విఫలమవడం వల్ల మ్యాచ్​ ఉత్కంఠకు దారితీసింది. చివర్లో వార్నర్ జోరుతో టై అయింది.

19:21 October 18

6 బంతుల్లో 18 పరుగులు

సన్​రైజర్స్ గెలవాలంటే చివరి 6 బంతుల్లో 18 పరుగులు చేయాల్సి ఉంది. 

19:13 October 18

తడబడుతోన్న సన్​రైజర్స్

164 పరుగుల లక్ష్య చేధనతో బరిలో దిగిన సన్​రైజర్స్ తడబడుతోంది. ప్రస్తుతం 18 ఓవర్లలో 5 వికెట్ల నష్టానికి 134 పరుగులు చేసింది. విజయం కోసం ఇంకా 12 బంతుల్లో 30 పరుగులు చేయాల్సి ఉంది. వార్నర్ (28), సమద్ (16) క్రీజులో ఉన్నారు.

18:56 October 18

లక్ష్య చేధనలో తడబడుతోన్న సన్​రైజర్స్

కోల్​కతాతో జరుగుతోన్న మ్యాచ్​లో లక్ష్య చేధనలో సన్​రైజర్స్ తడబడుతోంది. ప్రస్తుతం 15.2 ఓవర్లకు 5 వికెట్ల నష్టానికి 109 పరుగులు చేసింది. గెలుపు కోసం ఇంకా 28 బంతుల్లో 55 పరుగులు చేయాల్సి ఉంది. 

18:36 October 18

ఫెర్గుసన్ సత్తా.. తడబడుతోన్న సన్​రైజర్స్

కోల్‌కతా నైట్‌రైడర్స్‌ నిర్దేశించిన 164 పరుగుల లక్ష్య ఛేదనలో సన్‌రైజర్స్‌ హైదరాబాద్‌ నాలుగు వికెట్లు కోల్పోయింది. ఫెర్గుసన్‌ వేసిన ఆరో ఓవర్‌ తొలి బంతికి విలియమ్సన్(29)‌ బౌండరీ లైన్‌ వద్ద  నితీశ్‌ రాణా చేతికి చిక్కాడు.  తర్వాత మళ్లీ ఫెర్గుసన్‌ వేసిన ఎనిమిదో ఓవర్లో ప్రియమ్ గార్గ్ (4) బౌల్డయ్యాడు. మళ్లీ 12వ ఓవర్ వేసిన ఫెర్గుసన్ ఈసారి మనీశ్ పాండే (6)ను బౌల్డ్ చేశాడు. దీంతో మూడు వికెట్లతో సన్​రైజర్స్​ బ్యాట్స్​మెన్​ను కట్టడి చేశాడు. ప్రస్తుతం 13 ఓవర్లకు 89 పరుగులు చేసింది హైదరాబాద్. వార్నర్, విజయ్ శంకర్ క్రీజులో ఉన్నారు. 

18:22 October 18

వరుసగా రెండు వికెట్లను కోల్పోయింది సన్​రైజర్స్​. ప్రియమ్​ గార్గ్​(4), బెయిర్​ స్టొ(39) పెవిలియన్​ చేరారు. క్రీజులో వార్నర్​(1), మనీశ్​ పాండే(3) ఉన్నారు. పది ఓవర్లు పూర్తయ్యేసరికి మూడు వికెట్లు కోల్పోయి  74 పరుగులు చేసింది వార్నర్​ సేన. 

18:10 October 18

సన్​రైజర్స్​ తొలి వికెట్​ కోల్పోయింది. కేన్​ విలియమ్సన్​(29) పెవిలియన్​ చేరాడు. క్రీజులోకి ప్రియమ్​ గర్గ్​ వచ్చాడు. బెయిర్​ స్టో(28) జాగ్రత్తగా ఆడుతోన్నాడు. దీంతో ఆరు ఓవర్లు పూర్తయ్యేసరికి 57పరుగులు చేసింది వార్నర్​ సేన. 

17:58 October 18

ఐదు ఓవర్లు పూర్త్యయ్యేసరికి సన్​రైజర్స్​  వికెట్​ ఏమీ కోల్పోకుండా  46 పరుగులు చేసింది. క్రీజులో కేన్​ విలియమ్సన్​(22) బెయిర్​ స్టో(24) నిలకడగా ఆడుతోన్నారు. 

17:43 October 18

నెమ్మదిగా సన్​రైజర్స్ బ్యాటింగ్

164 పరుగుల లక్ష్యంతో బరిలో దిగిన సన్​రైజర్స్ నెమ్మదిగా బ్యాటింగ్ చేస్తోంది. రెండు ఓవర్లు పూర్తయ్యే సరికి 12 పరుగులు చేసింది. విలియమ్సన్ (9), బెయిర్ స్టో (3) క్రీజులో ఉన్నారు.

17:21 October 18

సన్​రైజర్స్ లక్ష్యం 164

సన్​రైజర్స్​తో జరుగుతోన్న మ్యాచ్​లో మొదట బ్యాటింగ్ చేసిన కోల్​కతా నిర్ణీత 20 ఓవర్లలో 4 వికెట్ల నష్టానికి 163 పరుగులు చేసింది. దీనేశ్ కార్తీక్ 29, మోర్గాన్ 34 పరుగులతో నాటౌట్​గా నిలిచారు. గిల్ (36), రానా (29), రాహుల్ త్రిపాఠి (23) పర్వాలేదనిపించారు. సన్​రైజర్స్ బౌలర్లలో నటరాజన్ 2, థంపి, రషీద్ ఖాన్ చెరో వికెట్ సాధించారు.

16:57 October 18

తడబడుతోన్న కోల్​కతా

సన్​రైజర్స్​తో జరుగుతోన్న మ్యాచ్​లో కోల్​కతా మొదట బ్యాటింగ్ చేస్తోంది. ఆరంభంలో నిలకడగా ఆడిన జట్టు ప్రస్తుతం తడబడుతోంది. 16 ఓవర్లు పూర్తయ్యే సరికి 4 వికెట్ల నష్టానికి 111 పరుగులు చేసింది. గిల్ (36), రానా (29), రాహుల్ త్రిపాఠి (23) పర్వాలేదనిపించారు. ప్రస్తుతం సారథి ఇయాన్ మోర్గాన్​తో క్రీజులో ఉన్నాడు కార్తిక్.

16:19 October 18

ఆచితూచి కోల్​కతా బ్యాటింగ్

కోల్​కతా నిలకడగానే బ్యాటింగ్ చేస్తోంది. ప్రస్తుతానికి 9 ఓవర్లు పూర్తయ్యే సరికి వికెట్ నష్టానికి 64 పరుగులు చేశారు. రానా (9), గిల్ (32) ఆచితూచి ఆడుతున్నారు. 

16:04 October 18

నిలకడగా కేకేఆర్ బ్యాటింగ్ 

కోల్​కతాతో జరుగుతోన్న మ్యాచ్​లో సన్​రైజర్స్ బౌలర్లు కట్టుదిట్టంగా బౌలింగ్ చేస్తున్నారు. ప్రస్తుతం 7 ఓవర్లు పూర్తయ్యే సరికి కేకేఆర్ వికెట్ నష్టానికి 53 పరుగులు చేసింది. 

15:40 October 18

నిలకడగా కోల్​కతా బ్యాటింగ్

సన్​రైజర్స్​తో జరుగుతోన్న మ్యాచ్​లో తొలుత బ్యాటింగ్ చేస్తోన్న కోల్​కతా రెండు ఓవర్లకు 12 పరుగులు చేసింది. గిల్ (3), రాహుల్ త్రిపాఠి (9) నిలకడగా ఆడుతున్నారు.

15:08 October 18

ఇరుజట్లు

కోల్​కతా నైట్​రైడర్స్

రాహుల్ త్రిపాఠి, శుభ్​మన్ గిల్, నితీశ్ రానా, దినేశ్ కార్తీక్, ఇయాన్ మోర్గాన్ (కెప్టెన్), ఆండ్రూ రసెల్, కమిన్స్, శివం మావి, కుల్దీప్ యాదవ్, ఫెర్గుసన్, వరుణ్ చక్రవర్తి

సన్​రైజర్స్ హైదరాబాద్

డేవిడ్ వార్నర్ (కెప్టెన్), బెయిర్​స్టో, మనీశ్ పాండే, కేన్ విలియమ్సన్, ప్రియమ్ గార్గ్, విజయ్ శంకర్, అబ్దుల్ సమద్, రషీద్ ఖాన్, సందీప్ శర్మ, టి నటరాజన్, బాసిల్ థంపి

14:40 October 18

టాస్ గెలిచి బౌలింగ్ ఎంచుకున్న సన్​రైజర్స్

సన్​రైజర్స్ బౌలింగ్

అబుదాబి వేదికగా మరో రసవత్త పోరుకు రంగం సిద్ధమైంది. ఎనిమిది మ్యాచుల్లో నాలుగు గెలిచి, నాలుగో స్థానంలో ఉన్న కోల్​కతా... ఐదో స్థానంలో ఉన్న హైదరాబాద్​ అమీతుమీ తేల్చుకోనున్నాయి. తాము ఆడిన గత మ్యాచుల్లో ఓడిన ఇరుజట్లు.. ఈ సారి ఎలాగైనా సరే గెలవాలనే పట్టుదలతో ఉన్నాయి. ఈ మ్యాచ్​లో మొదట టాస్ గెలిచిన సన్​రైజర్స్ బౌలింగ్ ఎంచుకుంది.