దిల్లీ క్యాపిటల్స్​పై కోల్​కతా ఘన విజయం

18:58 October 24

అబుదాబి వేదికగా జరిగిన పోరులో దిల్లీ క్యాపిటల్స్​పై కోల్​కతా నైట్​ రైడర్స్​ 59 పరుగులు తేడాతో ఘన విజయం సాధించింది. 195 పరుగుల లక్ష్యంతో బరిలో దిగిన దిల్లీ.. నిర్ణీత 20ఓవర్లలో 135 పరుగులకే ఆల్​ఔట్​ అయింది.  విజయంలో నితీశ్​ రానా(81), నరైన్​(64) కీలక పాత్ర పోషించారు. దీంతో ప్లే ఆఫ్స్​ ఆశల్ని సజీవం చేసుకుంది కోల్​కతా. రన్‌రేట్‌ను సైతం పెంచుకుంది. దిల్లీ బౌలర్లలో నోర్జే, రబాడా తలో రెండు వికెట్లు తీశారు. 

18:51 October 24

16 ఓవర్లకు దిల్లీ ఏడు వికెట్ల నష్టానికి 112 పరుగులు చేసింది.  వరుణ్‌ చక్రవర్తి ఈ ఓవర్లో 2 వికెట్లు తీసి 2 పరుగులే ఇచ్చాడు. తొలి బంతికి స్టాయినిస్‌, ఐదో బంతికి అక్షర్‌ పటేల్‌ (9)ని ఔట్‌ చేశాడు. అశ్విన్ (0), రబాడా (1) క్రీజులో ఉన్నారు.

18:45 October 24

దిల్లీ ఆరో వికెట్‌ చేజార్చుకుంది. వరుణ్‌ చక్రవర్తి వేసిన 15.1వ బంతికి స్టొయినిస్‌ (6; 6 బంతుల్లో) ఔటయ్యాడు. రాహుల్‌ త్రిపాఠి చక్కని క్యాచ్‌ అందుకున్నాడు.

18:41 October 24

14ఓవర్లు పూర్తయ్యేసరికి దిల్లీ 5 వికెట్లు నష్టానికి 100 పరుగులు చేసింది. క్రీజులో స్టొయినిస్​, అక్సర్ పటేల్​ ఉన్నారు. విజయానికి 36 బంతుల్లో 95పరుగులు చేయాలి. 

18:32 October 24

ఛేదనలో దిల్లీ బ్యాట్స్​మెన్ తడబడుతున్నారు. దీంతో 13 ఓవర్లు పూర్తయ్యేసరికి 3 వికెట్లు కోల్పోయి 94 పరుగులు మాత్రమే చేసింది. క్రీజులో హెట్మయిర్, శ్రేయస్ అయ్యర్ ఉన్నారు. విజయానికి 42 బంతుల్లో 101 పరుగులు కావాలి. 

18:02 October 24

ఛేదనలో ఆచితూచి ఆడుతోంది దిల్లీ జట్టు. ప్రస్తుతం 7 ఓవర్లు పూర్తయ్యేసరికి రెండు వికెట్ల నష్టానికి 44 పరుగులు చేసింది. క్రీజలో పంత్, శ్రేయస్ అయ్యర్ ఉన్నారు. విజయానికి 78 బంతుల్లో 151 పరుగులు కావాలి.

17:36 October 24

నిలకడగా దిల్లీ బ్యాటింగ్

195 పరుగుల భారీ లక్ష్యంతో బరిలోకి దిగిన దిల్లీ 2 ఓవర్లు పూర్తయ్యే సరికి 12 పరుగులు చేసింది. అజింక్యా రహానే ఇన్నింగ్స్ మొదటి బంతికే డకౌట్​గా వెనుదిరిగాడు.

17:15 October 24

దిల్లీ లక్ష్యం 195

దిల్లీతో జరుగుతోన్న మ్యాచ్​లో మొదట బ్యాటింగ్ చేసిన కోల్​కతా నిర్ణీత 20 ఓవర్లలో 6 వికెట్ల నష్టానికి 194 పరుగుల భారీ స్కోర్ చేసింది. నితీశా రానా (81) అద్భుత ప్రదర్శనతో రాణిించాడు. నరైన్ 64 పరుగులతో ఆకట్టుకున్నాడు. 

17:01 October 24

భారీ స్కోర్ దిశగా కోల్​కతా

దిల్లీతో జరుగుతోన్న మ్యాచ్​లో కోల్​కతా మంచి బ్యాటింగ్ తీరు కనబరుస్తోంది. 18 ఓవర్లు పూర్తయ్యే సరికి 4 వికెట్ల నష్టానికి 170 పరుగులు చేసింది. సునీల్ నరైన్ 64 పరుగులతో అద్భుత అర్ధశతకం చేసి రబాడ బౌలింగ్​లో వెనుదిరిగాడు. రానా (69)తో కలిసి మోర్గాన్ (5) క్రీజులో ఉన్నాడు.

16:30 October 24

దూకుడుగా కోల్​కతా బ్యాటింగ్

దిల్లీతో జరుగుతోన్న మ్యాచ్​లో కోల్​కతా బ్యాటింగ్​లో వేగం పెంచింది. ప్రస్తుతం 12 ఓవర్లలో 3 వికెట్ల నష్టానికి 103 పరుగులు చేసింది. నరైన్ (31), రానా (44) దూకుడుగా ఆడుతున్నారు. 

16:15 October 24

తడబడుతోన్న కోల్​కతా

కోల్​కతా నైట్​రైడర్స్ 9 ఓవర్లలో 3 వికెట్ల నష్టానికి 57 పరుగులు చేసింది. దినేశ్ కార్తీక్ (3), రాహుల్ త్రిపాఠి (13) విఫలమయ్యారు. నితీశ్ రానా, సునీల్ నరైన్ బ్యాటింగ్ కొనసాగిస్తున్నారు.

15:40 October 24

నిలకడగా కోల్​కతా బ్యాటింగ్

దిల్లీతో జరుగుతోన్న మ్యాచ్​లో మొదట బ్యాటింగ్ చేస్తోన్న కోల్​కతా నైట్​రైడర్స్​ రెండు ఓవర్లకు వికెట్ నష్టానికి 11 పరుగులు చేసింది. ఇన్నింగ్స్ ప్రారంభంలోనే గిల్ 9 పరుగులు చేసి ఔటయ్యాడు.

15:18 October 24

జట్లు

కోల్​కతా నైట్​రైడర్స్

శుభ్​మన్ గిల్, సునీల్ నరైన్, నితీశ్ రానా, రాహుల్ త్రిపాఠి, ఇయాన్ మోర్గాన్ (కెప్టెన్), దినేశ్ కార్తీక్, కమిన్స్, ఫెర్గుసన్, కమలేశ్ నాగర్​కోటి, ప్రసిద్ధ్ కృష్ణ, వరుణ్ చక్రవర్తి

దిల్లీ క్యాపిటల్స్

శిఖర్ ధావన్, అజింక్యా రహానే, శ్రేయస్ అయ్యర్ (కెప్టెన్), రిషబ్ పంత్, స్టోయినిస్, హెట్​మెయిర్, అక్షర్ పటేల్, రవిచంద్రన్ అశ్విన్, రబాడ, తుశార్ దేశ్​పాండే, ఎన్రిచ్ నోకియా

15:08 October 24

దిల్లీ బౌలింగ్

ఈ ఐపీఎల్ సీజన్​లో వరుస విజయాలతో అభిమానుల్ని ఆనందంలో ముంచెత్తుతోంది దిల్లీ క్యాపిటల్స్. కానీ గత మ్యాచ్​లో పంజాబ్ చేతిలో ఓడిపోయింది. అలానే ఈ సీజన్​లో అస్థిర ప్రదర్శనతో అంచనాల్ని అందుకోవడంలో విఫలమవుతోంది కోల్​కతా నైట్​రైడర్స్. ప్లే ఆఫ్స్​కు వెళ్లాలంటే ఇకపై ఆడే ప్రతి మ్యాచ్ తప్పక గెలవాల్సిందే. ఇప్పటికే పాయింట్ల పట్టికలో టాప్​లో ఉన్న పైనున్న దిల్లీ.. ఎలాగైనా తొలి నాలుగు స్థానాల్లో నిలవాలని కోల్​కతా పట్టుదలతో ఉన్నాయి. అలాంటి ఈ రెండు జట్ల మధ్య అబుదాబి వేదికగా నేడు మ్యాచ్ జరుగుతోంది. మొదట టాస్ గెలిచిన దిల్లీ బౌలింగ్ ఎంచుకుంది.