జైపూర్ వేదికగా సన్రైజర్స్ హైదరాబాద్తో రాజస్థాన్ రాయల్స్ నేడు తలపడనుంది. ఇరుజట్లలోని స్టార్ ఆటగాళ్లు కొంత మంది ఈ రోజు మ్యాచ్లో కనిపించరు.
ప్రస్తుత పరిస్థితుల్లో ఇంగ్లండ్ స్టార్ ఆటగాళ్లు లేకపోవడం రాజస్థాన్పై ఎక్కువ ప్రభావం చూపనుంది. జట్టులోని కీలక ఆటగాళ్లయిన స్టోక్స్, బట్లర్, జోప్రా ఆర్చర్ సేవల్ని రాయల్స్ కోల్పోయింది. ప్రపంచకప్ సన్నాహకాల్లో భాగంగా వీరు ఇంగ్లండ్కు పయనమయ్యారు.
సన్రైజర్స్ జట్టులో వార్నర్తో కలిసి విధ్వంసక ఓపెనింగ్ చేస్తున్న బెయిర్స్టో స్వదేశానికి వెళ్లిపోయాడు. ఇరుజట్లలోని ఆసీస్ ఆటగాళ్లు వార్నర్, స్మిత్ వచ్చే వారం వరకే ఐపీఎల్లో కనిపిస్తారు.
ప్రస్తుతం పాయింట్ల పట్టికలో రైజర్స్.. నాలుగో స్థానంలో ఉంది. రాజస్థాన్ ఏడో స్థానంలో ఉంది. ఈ రోజు మ్యాచ్లో విజయం రెండు జట్లకు ఎంతో అవసరం.
రాజస్థాన్ రాయల్స్.. ఆర్చర్ సేవల్ని కోల్పోవడం కొంత మేర లోటే. మరోవైపు యువ సంచలనం రియాన్ పరాగ్ ఫామ్లో ఉండటం కలిసొచ్చే అంశం. మిగతా బ్యాట్స్మెన్లో రహానే, స్మిత్, సంజూ శాంసన్, త్రిపాఠి చెలరేగితో గెలుపు కష్టమేమి కాదు.