నేడు ఐపీఎల్ 26వ మ్యాచ్లో కోల్కతా నైట్రైడర్స్తో తలపడనుంది దిల్లీ జట్టు. దిల్లీ క్యాపిటల్స్ సలహాదారుడు గంగూలీ... ఆ జట్టు ట్రైనింగ్ సెషన్ అనంతరం వీక్షకుల గ్యాలరీకే పరిమితం కానున్నాడు.
నేటి మ్యాచ్కు ప్రేక్షకుల గ్యాలరీలో గంగూలీ...!
నేడు కోల్కతా నైట్రైడర్స్తో జరగనున్న మ్యాచ్లో దిల్లీ క్యాపిటల్స్ సలహాదారు గంగూలీ ప్రేక్షకుల గ్యాలరీలో కూర్చోనున్నాడు. ఈడెన్ గార్డెన్స్ వేదికగా జరిగే మ్యాచ్లో ఓ సాధారణ అభిమానిగా కనిపించనున్నాడు.
ప్రేక్షకుల గ్యాలరీలో సందడి చేయనున్న గంగూలీ
బంగాల్ క్రికెట్ సంఘం అధ్యక్షుడిగా ఉంటూ దిల్లీ జట్టుకు మెంటార్గా వ్యవహరించడంపై గతంలో బీసీసీఐకు ఫిర్యాదు అందింది. మ్యాచ్ జరుగుతున్న ఈడెన్ గార్డెన్స్ క్యురేటర్లను ప్రభావితం చేసే అవకాశం ఉన్నట్లు అందులో పేర్కొన్నారు ఫిర్యాదుదారులు. ఈ అంశంపై దిల్లీ క్యాపిటల్స్ యాజమాన్యం నిర్ణయం తీసుకుంది. ఈ ఒక్క మ్యాచ్కు ఆట ముగిసే వరకు ప్రేక్షకుల గ్యాలరీలోనే గంగూలీ ఉండనున్నట్లు కోచ్ రికీ పాంటింగ్ వెల్లడించాడు.
మ్యాచ్ రోజు పిచ్ మీద గడ్డి పెరిగితే పేస్ ప్రధానాస్త్రంగా బరిలోకి దిగనున్నట్లు తెలిపాడు పాంటింగ్.