Jiocinema India Vs West Indies : క్రికెట్ ప్రేమికులకు జియో సినిమా (రిలయన్స్‌ జియో ఇన్ఫోకామ్‌) శుభవార్త చెప్పింది. ప్రపంచ టెస్ట్ ఛాంపియన్ షిప్ తర్వాత జరగనున్న భారత్-వెస్టిండీస్ సిరీస్ను జియో సినిమాలో ఉచితంగా వీక్షించవచ్చని ప్రకటించింది. జులై 12- ఆగస్ట్‌ 13 వరకు జరిగే ఈ సిరీస్‌లో అన్ని మ్యాచ్‌లకు ఇది వర్తిస్తుందని రిలయన్స్‌ జియో ఇన్ఫోకామ్‌ అధినేత ఆకాశ్‌ అంబానీ వెల్లడించారు. దీంతో టీమ్ఇండియా అభిమానులు పండగ చేసుకుంటున్నారు. థ్యాంక్స్ టు జియో అంటూ నెట్టింట సందడి చేస్తున్నారు.
India West Indies Tour 2023 : అయితే రెండు టెస్ట్లు, మూడు వన్డేలు, ఐదు టీ20లు ఆడేందుకు.. జులై 12 నుంచి వెస్టిండీస్లో పర్యటించనుంది. ఈ పర్యటనలో భారత్ తొలుత టెస్ట్లు, ఆ తర్వాత వన్డేలు, టీ20లు ఆడనుంది.
విండీస్ పర్యటన వివరాలు..
- జులై 12-16- తొలి టెస్ట్, డొమినికా
- జులై 20-24- రెండో టెస్ట్, పోర్ట్‌ ఆఫ్‌ స్పెయిన్‌
- జులై 27- తొలి వన్డే, బ్రిడ్జ్‌టౌన్‌
- జులై 29- రెండో వన్డే, బ్రిడ్జ్‌టౌన్‌
- ఆగస్ట్‌ 1- మూడో వన్డే, పోర్ట్‌ ఆఫ్‌ స్పెయిన్‌
- ఆగస్ట్‌ 4- తొలి టీ20, పోర్ట్‌ ఆఫ్‌ స్పెయిన్‌
- ఆగస్ట్‌ 6- రెండో టీ20, గయానా
- ఆగస్ట్‌ 8- మూడో టీ20, గయానా
- ఆగస్ట్‌ 12- నాలుగో టీ20, ఫ్లోరిడా
- ఆగస్ట్‌ 13- ఐదో టీ20, ఫ్లోరిడా