సొంతగడ్డపై వచ్చే నెలలో వెస్టిండీస్‌తో పరిమిత ఓవర్ల సిరీస్‌ జరగనున్న విషయం తెలిసిందే. పేటీఎం సిరీస్‌లో భాగంగా ఫిబ్రవరి 6 నుంచి 20 వరకు మూడేసి వన్డేలు, టీ20 మ్యాచ్‌ల్లో భారత్‌, విండీస్‌ తలపడనున్నాయి. అయితే కరోనా కారణంగా ఈ వేదికల్లో తాజాగా మార్పులు జరిగాయి. ఈ విషయాన్ని భారత క్రికెట్ బోర్డు నియంత్రణ మండలి (బీసీసీఐ) శనివారం ట్విటర్‌ వేదికగా వెల్లడించింది.
ఆరు మ్యాచ్‌లను ఆరు వేదికల్లో నిర్వహించాలని తొలుత భావించిన సీబీసీఐ.. పలు కారణాలతో ఆ నిర్ణయాన్ని మార్చుకుంది. ఆరు మ్యాచ్‌లను రెండు వేదికలకే పరిమితం చేసింది. ఫిబ్రవరి 6, 9, 11వ తేదీల్లో జరిగే మూడు వన్డే మ్యాచ్‌లు అహ్మదాబాద్‌లోని నరేంద్ర మోదీ స్టేడియంలోనే నిర్వహించనున్నారు. ఆ తర్వాత 16, 18, 20వ తేదీల్లో జరిగే మూడు టీ20 మ్యాచ్‌లను కోల్‌కతాలోని ఈడెన్‌ గార్డెన్స్‌లో నిర్వహించనున్నట్లు బీసీసీఐ తాజాగా ప్రకటించింది.