ముంబయి ఇండియన్స్, దిల్లీ క్యాపిటల్స్ మధ్య జరిగిన మ్యాచ్లో దిల్లీ ఘనవిజయం సాధించింది. ఈ మ్యాచ్లో రెండు జట్లు అరుదైన ఘనత సాధించాయి. 2013 ఐపీఎల్ నుంచి ఇప్పటివరకు ముంబయి ఇండియన్స్ తన తొలి మ్యాచ్లో ఒక్కసారి కూడా గెలవలేదు. మరోవైపు దిల్లీ 2013 తర్వాత తొలిసారిగా మొదటి మ్యాచ్ గెలిచింది.
ముంబై, దిల్లీ జట్లకు తొలి మ్యాచ్ సెంటిమెంట్
ఐపీఎల్ 2019 సీజన్లో ముంబయి ఇండియన్స్, దిల్లీ క్యాపిటల్స్ మధ్య జరిగిన తొలిమ్యాచ్లో దిల్లీ గెలిచింది. 2013 నుంచి ఇప్పటి వరకు తొలి మ్యాచ్లో ముంబయి వరుసగా ఓడిపోగా, క్యాపిటల్స్ మొదటిసారి గెలుపొందడం విశేషం.
ముంబై-దిల్లీ
రోహిత్ సేన తొలిమ్యాచ్లో ఓడిపోయినప్పటికీ అనూహ్యంగా పుంజుకుని టైటిల్ కొట్టిన చరిత్ర ఉంది. 2015 ఐపీఎల్ సీజన్లో వరుసగా 6 మ్యాచ్ల్లో పరాజయం చెందినా.. చివరికి ఐపీఎల్ ట్రోఫీని సాధించింది. 2017లోనూ ఓటములు చవిచూసినప్పటికీ టైటిల్ని ఎగరేసుకుపోయింది.
దిల్లీ క్యాపిటల్స్ జట్టు 2013 నుంచి ఇప్పటివరకు తన తొలి మ్యాచ్లో గెలవడం ఇదే మొదటి సారి. పాంటింగ్, గంగూలీ లాంటి ఉద్ధండులు క్యాపిటల్స్ జట్టుకు జత కలిసినందున ఈ సారి ఆత్మ విశ్వాసంతో బరిలో దిగింది. మొదటి మ్యాచ్లో ముంబయిపై గెలిచి సత్తా చాటింది.