బోర్డర్-గావస్కర్ టెస్టు సిరీస్ రెండో మ్యాచ్లో టాస్ గెలిచిన ఆస్ట్రేలియా బ్యాటింగ్ ఎంచుకుంది. ఉదయం 5 గంటలకు మెల్బోర్న్ క్రికెట్ గ్రౌండ్లో మ్యాచ్ ప్రారంభం కానుంది.
తొలి మ్యాచ్లో గెలిచిన ఆసీస్ మరింత ఆత్మవిశ్వాసంతో బరిలోకి దిగుతోంది. జట్టులో ఎలాంటి మార్పులూ చేయలేదు.
మరోవైపు టీమ్ఇండియా సారథి విరాట్ గైర్హాజరీలో రహానె జట్టును ఎలా నడిపిస్తాడనేది కీలకంగా మారింది. భారత జట్టులో నాలుగు మార్పులు జరిగాయి. శుభ్మన్ గిల్, మహ్మద్ సిరాజ్ టెస్టు అరంగేట్రం చేయనున్నారు. వికెట్ కీపర్ సాహా స్థానంలో రిషబ్ పంత్, గాయపడ్డ షమి స్థానంలో జడేజా జట్టులోకి వచ్చారు.
100వ టెస్టు..
ఈ మ్యాచ్ భారత్, ఆస్ట్రేలియా మధ్య జరుగుతున్న 100వ టెస్టు కావడం కావడం విశేషం. ఇప్పటివరకు ఇరు జట్ల మధ్య జరిగిన టెస్టుల్లో ఆసీస్ 43 గెలవగా, భారత్ 28 నెగ్గింది. ఒక మ్యాచ్ టై అయింది. మరో 27 టెస్టులు డ్రాగా ముగిశాయి.
జట్లు..
భారత్:మయాంక్ అగర్వాల్, శుభ్మన్ గిల్, ఛెతేశ్వర్ పుజారా, అజింక్యా రహానె(కెప్టెన్), హనుమ విహారి, రిషబ్ పంత్(వికెట్ కీపర్), రవీంద్ర జడేజా, రవిచంద్రన్ అశ్విన్, ఉమేశ్ యాదవ్, జస్పీత్ బుమ్రా, మహ్మద్ సిరాజ్.
ఆస్ట్రేలియా:మాథ్యూ వేడ్, జో బర్న్స్, మార్నస్ లబూషేన్, స్టీవెన్ స్మిత్, ట్రెవిస్ హెడ్, కామెరూన్ గ్రీన్, టిమ్ పైన్(కెప్టెన్& వికెట్ కీపర్), పాట్ కమ్మిన్స్, మిచెల్ స్టార్క్, నాథన్ లైయన్, జోష్ హేజిల్వుడ్.
