IND vs WI Series: భారత్ వేదికగా వెస్టిండీస్తో సిరీస్ నేపథ్యంలో ఇప్పటికే టీమ్ఇండియా స్క్వాడ్ను ప్రకటించింది భారత క్రికెట్ నియంత్రణ మండలి(బీసీసీఐ). తాజాగా మరో ఇద్దరు ఆటగాళ్లను జట్టులోకి ఎంపిక చేసింది. తమిళనాడు యువ ఆటగాళ్లు షారుక్ ఖాన్, సాయి కిశోర్లను స్టాండ్బై ప్లేయర్లుగా ప్రకటించింది.
"వెస్టిండీస్తో సిరీస్లో భాగంగా షారుక్ ఖాన్, సాయి కిశోర్లను స్టాండ్-బై ఆటగాళ్లుగా జట్టులోకి తీసుకున్నారు. వారు త్వరలోనే బయోబబుల్లోకి అడుగుపెట్టనున్నారు." అని తమిళనాడు క్రికెట్ అసోసియేషన్ తెలిపింది.
బీసీసీఐ ప్రకటన నేపథ్యంలో యువ ఆటగాళ్లు షారుక్, సాయి.. రంజీ ట్రోఫీ తొలి దశలో కొన్ని మ్యాచ్లకు దూరంకానున్నారు. అయితే.. ఇటీవలే రంజీ ట్రోఫీని రెండు దశల్లో నిర్వహించనున్నట్లు బీసీసీఐ సెక్రటరీ జై షా స్పష్టం చేశారు. తొలి దశలో లీగ్ స్టేజ్ మ్యాచ్లు నిర్వహించనున్నట్లు పేర్కొన్నారు.
టీమ్ఇండియా స్క్వాడ్:
వన్డే జట్టు: రోహిత్ శర్మ(కెప్టెన్), కేఎల్ రాహుల్(వైస్ కెప్టెన్), రుతురాజ్ గైక్వాడ్, శిఖర్ ధావన్, విరాట్ కోహ్లీ, సూర్య కుమార్ యాదవ్, శ్రేయస్ అయ్యర్, దీపక్ హూడా, రిషభ్ పంత్(వికెట్ కీపర్), దీపక్ చహర్, శార్దూల్ ఠాకూర్, యుజ్వేంద్ర చాహల్, కుల్దీప్ యాదవ్, వాషింగ్టన్ సుందర్, రవి బిష్ణోయ్, మహ్మద్ సిరాజ్, ప్రసిద్ధ్ క్రిష్ణ, ఆవేశ్ ఖాన్.