IND vs NZ Test: వాంఖడే వేదికగా నేడు (శుక్రవారం) భారత్-న్యూజిలాండ్ మధ్య రెండో టెస్టు జరగనుంది. అయితే ఈ మ్యాచ్కు టీమ్ఇండియా సీనియర్ క్రికెటర్లు అజింక్యా రహానే, ఇషాంత్ శర్మ, రవీంద్ర జడేజా దూరమయ్యారు. గాయాల కారణంగా వీరు ఈ మ్యాచ్కు అందుబాటులో ఉండట్లేదని అధికారికంగా ప్రకటించింది బీసీసీఐ. ఇషాంత్ స్థానంలో సిరాజ్కు అవకాశం దక్కనుంది. అలాగే రహానే స్థానంలో మొదటి టెస్టుకు విశ్రాతి తీసుకున్న కోహ్లీ ఆడునున్నాడు. ఇషాంత్ ప్లేస్లో జయంత్ యాదవ్ను తీసుకునే వీలుంది.
విలియమ్సన్ ఔట్
అలాగే న్యూజిలాండ్ కెప్టెన్ విలియమ్సన్ కూడా ఈ మ్యాచ్లో ఆడట్లేదు. ఎడమ మోచేతి గాయం కారణంగా ఇతడు ఈ టెస్టుకు దూరమైనట్లు తెలిపింది కివీస్ క్రికెట్ బోర్డు. ఇతడి గైర్హాజరుతో టామ్ లాథమ్ జట్టుకు కెప్టెన్గా వ్యవహరించనున్నాడు.
టాస్ ఆలస్యం
IND vs NZ Test Toss: రెండు రోజులుగా ముంబయిలో వర్షాలు కురుస్తున్నాయి. దీంతో వాంఖడే మైదానం చిత్తడిగా మారింది. నేడు (శుక్రవారం) వర్షం లేకపోయినా.. పిచ్, ఔట్ఫీల్డ్ తడిగా ఉంది. దీంతో టాస్ ఆలస్యం కానున్నట్లు తెలిపారు అంపైర్లు. 10.30 గంటలకు మరోసారి పిచ్ను పరీక్షించి నిర్ణయం తీసుకుంటామని పేర్కొన్నారు.