వన్డే ర్యాంకింగ్స్ను అంతర్జాతీయ క్రికెట్ మండలి ప్రకటించింది. తాజా ర్యాంకింగ్స్లో బంగ్లాదేశ్ బౌలర్ మెహిదీ హసన్ రెండో స్థానానికి చేరుకున్నాడు. బంగ్లా తరఫున తొలి రెండు స్థానాల్లో నిలిచిన మూడో బౌలర్ హసన్. ఇక ఈ విభాగంలో కివీస్ బౌలర్ ట్రెంట్ బౌల్ట్ తొలి స్థానంలో ఉండగా.. టీమ్ఇండియా బౌలర్ బుమ్రా.. ఐదో స్థానంలో ఉన్నాడు.
స్వదేశంలో శ్రీలంకతో జరుగుతున్న మూడు మ్యాచ్ల వన్డే సిరీస్లో.. హసన్ అత్యుత్తమ ప్రదర్శన కనపరిచాడు. తొలి మ్యాచ్లో 30 పరుగులిచ్చి 4 వికెట్లు తీసిన హసన్.. తర్వాత మ్యాచ్లో 28 పరుగులకు 3 వికెట్లు పడగొట్టాడు.
ఇదీ చదవండి:ఈ వివక్షను పూర్తిగా తొలగించాలి: హోల్డింగ్
2009లో బంగ్లా ఆల్రౌండర్ షకిబుల్ హసన్ అగ్రస్థానాన్ని దక్కించుకోగా.. 2010లో అబ్దుర్ రజాక్ రెండో స్థానంలో నిలిచాడు. వీరిద్దరి తర్వాత టాప్-2లో నిలిచిన బంగ్లా బౌలర్ మెహిదీ హసన్.
మరో బంగ్లా బౌలర్ ముస్తాఫిజుర్ రెహ్మాన్ కూడా మెరుగయ్యాడు. రెండు మ్యాచ్ల్లో కలిపి 6 వికెట్లు తీసిన అతడు.. ఏకంగా ఎనిమిది స్థానాలు ఎగబాకి తొమ్మిదో స్థానాన్ని కైవసం చేసుకున్నాడు. 2018లో అతడు కెరీర్లో ఉత్తమంగా 5వ స్థానంలో నిలిచాడు.
ఇక బ్యాటింగ్ విషయానికొస్తే రెండు మ్యాచ్ల్లోనూ మ్యాన్ ఆఫ్ ది మ్యాచ్గా నిలిచిన ముష్ఫికర్ రహీమ్.. నాలుగు స్థానాలు పుంజుకొని 14వ స్థానాన్ని దక్కించుకున్నాడు. మరో బంగ్లా ఆటగాడు మహ్మదుల్లా 38వ స్థానంలో ఉన్నాడు.
ఇదీ చదవండి:డబ్ల్యూటీసీ ఫైనల్: డ్రా అయితే ఫలితం ఎలా?
