Gujarat Titans Logo: ఈ ఏడాది ఐపీఎల్ అభిమానులకు ప్రత్యేకంగా నిలవనుంది. కొత్త జట్ల రాకతో వినోదం మరింత పెరుగుతుంది. కొత్తగా వచ్చిన లఖ్నవూ సూపర్ జెయింట్స్, గుజరాత్ టైటాన్స్ జట్లపై కూడా అభిమానుల్లో అంచనాలు ఉన్నాయి. ఈ అంచనాలను మరింత పెంచేందుకు గుజరాత్ టైటాన్స్ ఇప్పటివరకు ఏ జట్టు చేయని ప్రయోగం చేస్తోంది. తమ జట్టు లోగోను మెటావర్స్లో ఆవిష్కరించనుంది. ఈ విషయాన్ని ఆ జట్టు యాజమాన్యం శనివారం ప్రకటించింది.
అభిమానుల కోసం మెటావర్స్లో వర్చువల్ స్పేస్ను క్రియేట్ చేసినట్లు గుజరాత్ టైటాన్స్ తెలిపింది. దీంతో భారత్లో ప్రపంచవ్యాప్తంగా అభిమానుల కోసం వర్చువల్ స్పేస్ను ప్రవేశపెట్టిన జట్టుగా గుజరాత్ టైటాన్స్ నిలవనుంది.