చెపాక్ వేదికగా ఇంగ్లాండ్తో జరుగుతున్న రెండో టెస్టు తొలి ఇన్నింగ్స్లో టీమ్ఇండియా 329 పరుగులకు ఆలౌటైంది. రెండో రోజు.. పంత్ అర్ధ సెంచరీతో ఆకట్టుకున్నాడు. ఇంగ్లాండ్ బౌలర్లలో మొయిన్ అలీ 4 వికెట్లు తీశాడు.
ఓవర్నైట్ స్కోరు 300/6తో రెండో రోజు ఆట కొనసాగించిన భారత్కు మొదటి ఓవర్లోనే ఎదురుదెబ్బ తగిలింది. అక్షర్ పటేల్.. అలీ బౌలింగ్లో స్టంపౌట్ అయ్యాడు. ఆ తర్వాతి ఓవర్లో.. క్రీజులోకి వచ్చిన ఇషాంత్ను అలీ వెనక్కి పంపాడు.
ఓ ఎండ్లో పంత్ ధనాధన్ ఇన్నింగ్స్ ఆడుతున్నా.. మరోవైపు అతడికి సహకారం అందించే వారు కరువయ్యారు. పరిస్థితిని ఊహించిన పంత్ ఉన్నంత సేపు ఫోర్లు, సిక్సర్లతో విరుచుకుపడ్డాడు. ఈ క్రమంలో అర్ధ సెంచరీని పూర్తి చేసుకున్నాడు. ఒకానొక సందర్భంలో ఇంగ్లాండ్ కెప్టెన్ రూట్ ఫీల్డర్లను బౌండరీల దగ్గర ఉంచడం విశేషం. తర్వాత కుల్దీప్, సిరాజ్లూ వెంటనే ఔటయ్యారు. దీంతో ఇండియా 329 పరుగుల వద్ద ఆగిపోయింది. పంత్ 58 పరుగులతో అజేయంగా నిలిచాడు.
161 పరుగులతో రోహిత్ శర్మా భారత ఇన్నింగ్స్ టాప్ స్కోరర్గా నిలిచాడు. రహానే, పంత్ ఆటతో ఇంగ్లాండ్పై పట్టు సాధించే స్కోరు చేయగలిగింది భారత్.
ఇదీ చదవండి:'గంగూలీ-డోనా'.. ఏక్ ప్రేమ్ కహానీ!