ఇంగ్లాండ్ సారథి జో రూట్(218, 377 బంతుల్లో) ద్విశతకంతో చెలరేగిన వేళ తొలి టెస్టు మొదటి ఇన్నింగ్స్లో ఇంగ్లాండ్ భారీ స్కోరు సాధించింది. 8 వికెట్లు కోల్పోయి 555 పరుగులు చేసింది. రూట్ అద్భుత ప్రదర్శనకు తోడు డామ్ సిబ్లే(87), బెన్ స్టోక్స్(82) అర్ధ శతకాలతో తొలి రెండు రోజులు పర్యాటక జట్టు పూర్తి ఆధిపత్యం సాధించింది.
ప్రస్తుతం క్రీజులో డామ్ బెస్(28*), జాక్ లీచ్(6*) ఉన్నారు. భారత బౌలర్లలో బుమ్రా, అశ్విన్, ఇషాంత్ శర్మ, నదీమ్ తలొ 2 వికెట్లు తీశారు.
పుంజుకున్న భారత బౌలర్లు..
ఓవర్నైట్ స్కోరు 263 పరుగులతో బరిలోకి దిగింది ఇంగ్లాండ్. రూట్, స్టోక్స్ భారత బౌలర్లకు దడపుట్టించారు. స్టోక్స్ వేగంగా పరుగులు చేయగా, రూట్ నిలకడగా క్రీజులో పాతుకుపోయాడు. అశ్విన్ వేసిన ఓవర్లో సిక్సర్తో ద్విశతకం పూర్తి చేసుకున్నాడు. ఈ క్రమంలో నదీమ్ బౌలింగ్లో క్యాచ్ ఇచ్చి స్టోక్స్ వెనుదిరిగాడు.
ఆ తర్వాత క్రీజులోకి వచ్చిన ఓలీ పోప్(34) కాసేపు కెప్టెన్ రూట్కు సహకారం అందిచినా 153వ ఓవర్లో అతడిని ఎల్బీడబ్ల్యూగా అశ్విన్ పెవీలియన్కు చేర్చాడు. ఆ తర్వాత ఓవర్లోనే కీలక వికెట్ జో రూట్ను ఔట్ చేసి భారత్కు ఉపశమనం కలిగించాడు నదీమ్. అక్కడినుంచి ఇంగ్లాండ్ వరుసగా వికెట్లు కోల్పోయింది.
ఇదీ చూడండి:చరిత్ర సృష్టించిన రూట్- 100వ మ్యాచ్లో 200