Five pitches in IPL: కరోనా కారణంగా ఈసారి ఐపీఎల్ సీజన్ మహారాష్ట్రలోనే నిర్వహిస్తోంది బీసీసీఐ. అక్కడి నాలుగు మైదానాలలో మ్యాచులు జరగనున్నాయి. అయితే, గత సీజన్లో జరిగిన పొరపాట్లను ఈసారి రిపీట్ కాకుండా బీసీసీఐ జాగ్రత్త పడుతోంది. ప్రతి స్టేడియంలో ఐదు పిచ్లను సిద్ధం చేస్తోంది.
IPL 2022 stadium pitches
2021 ఐపీఎల్ రెండో విడత యూఏఈలో నిర్వహించారు. అక్కడి స్టేడియంలలోని పిచ్లు తొలుత బాగానే ఉన్నప్పటికీ.. మ్యాచ్లు గడుస్తున్నా కొద్ది పూర్తిగా నెమ్మదించాయి. చివర్లో జరిగిన మ్యాచ్లన్నీ తక్కువ స్కోర్లకే పరిమితమయ్యాయి. ఒకే స్టేడియంలో ఎక్కువ మ్యాచ్లు వరుసగా నిర్వహించడం వల్ల ఈ సమస్య తలెత్తింది. అందుకే ఈసారి కొత్త ప్రణాళికతో ముందుకొచ్చింది. కొన్ని మ్యాచ్ల తర్వాత పిచ్లను మార్చుతూ ఉంటామని సంబంధిత వర్గాలు తెలిపాయి.
మార్చి 26 నుంచి ఐపీఎల్ మ్యాచ్లు ప్రారంభం కానున్నాయి. గతేడాది ఫైనల్లో తలపడిన చెన్నై, కోల్కతాలు తొలి మ్యాచ్లో ఢీకొట్టబోతున్నాయి. ఇప్పటికే అన్ని టీమ్లు ప్రాక్టీస్ ముమ్మరం చేశాయి.
ఇదీ చదవండి:IPL 2022: గత సీజన్లో తేలిపోయారు.. ఈసారి మురిపిస్తారా?