తెలుగు పాటలకు స్టెప్పులేస్తూ సామాజిక మాధ్యమాల్లో అభిమానులను అలరించే ఆసీస్ విధ్వంసకర ఓపెనర్ డేవిడ్ వార్నర్.. మరోసారి సరికొత్త ఫొటోనూ ఇన్స్టా ఖాతాలో షేర్ చేశాడు. అదీ భారీ బడ్జెట్ ప్రాజెక్ట్ అయిన 'ఆర్ఆర్ఆర్' మూవీకి సంబంధించిన చిత్రం. ప్రస్తుతం ఈ పోస్ట్ నెట్టింట్లో తెగ వైరల్గా మారింది.
దర్శకధీరుడు రాజమౌళి ప్రతిష్ఠాత్మకంగా తెరకెక్కిస్తోన్న 'ఆర్ఆర్ఆర్' సినిమాకు సంబంధించి కొత్త పోస్టర్ను ఇవాళే చిత్రబృందం విడుదల చేసింది. ఇందులో ఎన్టీఆర్ బైక్ నడుపుతుండగా.. రామ్ చరణ్ వెనక కూర్చొని ఉన్నాడు. ఇందులో కొమురం భీమ్ పాత్రలో ఎన్టీఆర్, అల్లూరి సీతరామరాజు పాత్రలో రామ్ చరణ్ నటిస్తున్నారు.