ఎట్టకేలకు గెలుపు బాట పట్టిన దక్షిణాఫ్రికా

అఫ్గానిస్థాన్​తో జరిగిన మ్యాచ్​లో దక్షిణాఫ్రికా ఘనవిజయం సాధించింది. 9 వికెట్ల తేడాతో గెలుపొంది టోర్నీలో మొదటి విజయాన్ని సొంతం చేసుకుంది.

ప్రపంచకప్‌లో భాగంగా అఫ్గానిస్థాన్‌తో జరిగిన మ్యాచ్‌లో దక్షిణాఫ్రికా ఘన విజయం సాధించింది. వర్షం కారణంగా 48 ఓవర్లకు కుదించిన మ్యాచ్‌లో సఫారీ జట్టు అఫ్గాన్‌ను 9 వికెట్ల తేడాతో ఓడించింది.

టాస్ ఓడి మొదట బ్యాటింగ్‌ చేసిన అఫ్గాన్‌ 34.1 ఓవర్లలో 125 పరుగులకు ఆలౌటైంది. ఓపెనర్లు హజ్రతుల్లా (22), నూర్ అలీ (32) ఫర్వాలేదనిపించారు. చివర్లో రషీద్ ఖాన్ 35 పరుగులతో ఆకట్టుకోగా 125 పరుగులు చేయగలిగింది అఫ్గాన్ జట్టు.

మ్యాచ్‌ ఆరంభంలో వరుణుడు ఆటంకం కలిగించగా 48 ఓవర్లకు కుదించి.. లక్ష్యాన్ని 127పరుగులుగా నిర్దేశించారు. అనంతరం 127 పరుగుల లక్ష ఛేదనకు దిగిన దక్షిణాఫ్రికా 28.4 ఓవర్లలో ఒక వికెట్‌ కోల్పోయి విజయం సాధించింది. డికాక్‌ (68) హషీమ్‌ ఆమ్లా (41) మొదటి వికెట్​కు 104 పరుగుల భాగస్వామ్యాన్ని నెలకొల్పారు.

ఇవీ చూడండి.. ఉత్కంఠ పోరుకు భారత్​- పాక్​ రె'ఢీ'