'ఐసీసీ నిబంధనలపై దృష్టి సారించాలి'

ప్రపంచకప్​ ఫైనల్ మ్యాచ్​లో కివీస్ ఓడిపోయింది. ఐసీసీ నిబంధనల వల్లే న్యూజిలాండ్ ఓటమి పాలయిందని పలువురు అభిప్రాయపడుతున్నారు. టీమిండియా వైస్ కెప్టెన్ రోహిత్ శర్మ ఈ విషయంపై స్పందించాడు.

ప్రపంచకప్​ ఫైనల్లో ఇంగ్లాండ్.. న్యూజిలాండ్​పై ఉత్కంఠపోరులో విజయం సాధించింది. ఐసీసీ నిబంధనల వల్లే కివీస్ ఓడిపోయిందని పలువురు ఆగ్రహం వ్యక్తం చేస్తున్నారు. క్రికెటర్లు, మాజీ ఆటగాళ్లూ ఐసీసీ రూల్స్ మార్చాల్సిన అవసరముందన్న అభిప్రాయాన్ని వ్యక్తం చేస్తున్నారు. తాజాగా టీమిండియా వైస్ కెప్టెన్ రోహిత్ శర్మ కూడా.. ఐసీసీ ఈ నిబంధనలను ఓసారి పునఃపరిశీలించాలని కోరాడు.

లార్డ్స్ వేదికగా జరిగిన ఫైనల్ మ్యాచ్​ ఫలితంపై రోహిత్ శ‌ర్మ ఆసక్తికర ట్వీట్ చేశాడు. ఐసీసీ నిబంధ‌న‌లపై నిశితంగా దృష్టి సారించాల్సిన స‌మ‌యం ఆస‌న్న‌మైంద‌ని తెలిపాడు. క్రికెట్​కు సంబంధించిన కొన్ని నిబంధ‌న‌ల్లో మార్పుల‌పై దృష్టి పెట్టాల్సిన అవ‌స‌రం ఉందని పేర్కొన్నాడు.

ఇవీ చూడండి.. 'ఆ ఆరు పరుగులు అంపైర్ల తప్పిదమే'