భారత్ - పాకిస్థాన్ మధ్య ఈ నెల 16న జరిగిన మ్యాచ్ గురించిన వార్తలు, విశేషాలు ఇప్పటికీ హల్చల్ చేస్తున్నాయి. తాజాగా ఓ భారతీయ అభిమాని మ్యాచ్ రసవత్తరంగా సాగుతున్నప్పుడు తన ప్రేయసికి ప్రపోజ్ చేసిన విషయం వెలుగులోకి వచ్చింది. ప్రస్తుతం ఆ వీడియో వైరల్ అవుతోంది.
భారత్ - పాక్ మ్యాచ్లో లవ్ ప్రపోజల్..! - india
ఈ నెల 16న మాంచెస్టర్ వేదికగా జరిగిన భారత్ - పాక్ మ్యాచ్ మధ్యలో ఓ టీమిండియా అభిమాని తన ప్రేయసికి ప్రపోజ్ చేశాడు. ప్రస్తుతం ఆ వీడియో వైరల్ అవుతోంది.
లవ్ ప్రపోజల్
నీలిరంగు జెర్సీ ధరించిన ఓ యువకుడు వేల మంది ఉన్న స్టేడియంలో మోకాళ్లపై కూర్చుని తన ప్రేమను వ్యక్తపరిచాడు. ఆ దృశ్యాన్ని చూసి ఆమె ఆశ్చర్యపోయింది. చివరికి అతడి ప్రేమను అంగీకరించి హత్తుకుంది. 45 సెకన్లపాటు సాగే ఈ వీడియోపై నెటిజన్లు విశేషంగా స్పందిస్తున్నారు.
"అతడి ప్రేమ ప్లాన్ నాశనం చేయకుండా.. పాక్పై గెలిచినందుకు టీమిండియాకు కృతజ్ఞతలు" అంటూ పోస్టులు చేశారు. "ఆకట్టుకునే ప్రపోజల్" అంటూ ఒకరు కామెంట్ చేశారు. "భారత్ గెలుస్తుందని అతడికి ముందే తెలుసు అందుకే మ్యాచ్ మధ్యలోనే ప్రపోజ్ చేశాడు" అని మరొకరు పోస్ట్ చేశారు.