కెప్టెన్ విరాట్ కోహ్లీ మద్దతుతోనే అంతర్జాతీయ క్రికెట్లో తాను విజయవంతంగా రాణిస్తున్నానని భారత స్టార్ స్పిన్నర్ కుల్దీప్ యాదవ్ తెలిపాడు. బౌలర్లకు విరాట్ స్వేచ్ఛనిస్తాడని, అందువల్లే చక్కటి ప్రదర్శనలు చేశానని చెప్పాడు. ఐపీఎల్ ప్రదర్శనను ప్రపంచకప్తో పోల్చలేమని అన్నాడు. ఈ ఐపీఎల్లో కోల్కతా తరపున ఆడిన కుల్దీప్ 9 మ్యాచుల్లో 4 వికెట్లు మాత్రమే తీశాడు.
'విరాట్ ఇచ్చిన స్వేచ్ఛతోనే విజృంభించా' - kuldeep
విరాట్ కోహ్లీ బౌలర్లకు స్వేచ్ఛ ఇస్తాడని, అందువల్లే తాను విజయవంతమయ్యానని భారత చైనామన్ కుల్దీప్ యాదవ్ అన్నాడు. ఐపీఎల్లో ప్రదర్శనను ప్రపంచకప్తో పోల్చలేమని అభిప్రాయపడ్డాడు.
కుల్దీప్
"ఐపీఎల్ అనేది విభిన్నమైన ఫార్మాట్. ప్రపంచకప్ అలా కాదు. ఐపీఎల్లో సత్తాచాటిన చాలామంది అంతర్జాతీయ మ్యాచుల్లో విఫలమయ్యారు. నేను వికెట్లు తీయనంత మాత్రాన బౌలింగ్ బాగా వేయనట్లు కాదు. జట్టు కోసం ఏం చేయాలో ఓ క్రికెటర్గా అదే చేశాను. కెప్టెన్ విరాట్ కోహ్లీ బౌలర్లకు స్వేచ్ఛ ఇస్తాడు. అందువల్లే నేను విజయవంతంగా రాణిస్తున్నాను" - -కుల్దీప్ యాదవ్, భారత స్పిన్నర్
ధోనీపై తాను మాట్లాడిన మాటలను మీడియా వక్రీకరించిందని, ఓ సీనియర్ ఆటగాడిపై ఎవరూ అలాంటి ఆరోపణలు చేయరని తెలిపాడు కుల్దీప్. మహీ సలహాలు చాలా సార్లు పనిచేయలేదని కుల్దీప్ అన్నట్టుగా మీడియాలో వార్తలు వచ్చిన విషయం తెలిసిందే.