కివీస్ ఇన్నింగ్స్‌ 47.1వ ఓవర్‌ వద్ద వర్షం ప్రారంభమైంది. వాన పెరిగితే పిచ్ పాడయ్యే అవకాశం ఉన్నందున వెంటనే ఆటను నిలిపివేశారు అంపైర్లు. మధ్య మధ్యలో వాన కాస్త తగ్గినా కొద్దిసేపటికే మళ్లీ ప్రారంభమైంది. మొదట 20 లేదా 25 ఓవర్లకైనా ఆట సాగుతుందని అంతా భావించారు. రాత్రి 11.05 గంటలకైనా మ్యాచ్ ప్రారంభంకావాల్సింది. కానీ అలాంటి పరిస్థితి కనిపించలేదు. రాత్రి 10.52కు ఆటను నిలిపివేస్తున్నట్లు రిఫరీ ప్రకటించారు.
మ్యాచ్ రద్దయితే.. టీమిండియా తుదిపోరుకు
బుధవారం ఒక వేళ మ్యాచ్ సమయంలో మళ్లీ వర్షం పడితే కివీస్ ఇన్నింగ్స్‌ను అక్కడితోనే ముగించి డక్‌వర్త్‌ లూయిస్‌ ప్రకారం భారత్‌కు లక్ష్యాన్ని నిర్దేశించే అవకాశం ఉంది. కనీసం 20 ఓవర్ల ఆట సాధ్యమైనా డక్‌వర్త్‌ లూయిస్‌ వర్తిస్తుంది. అదీ జరగకుండా పూర్తిగా రద్దయితే మాత్రం లీగ్‌ దశలో పాయింట్ల పట్టికలో అగ్రస్థానంలో నిలిచిన భారత్ ఫైనల్‌కు చేరుతుంది.
వర్షం రావడం మంచిదైంది..