ప్రధాని ముందు ప్రపంచకప్​తో ఇంగ్లీష్ జట్టు

ప్రపంచకప్ సొంతం చేసుకున్న ఇంగ్లాండ్ జట్టు ఆటగాళ్లు ఆ దేశ ప్రధాని థెరిసా మేను కలిశారు. వరల్డ్​కప్​ను ఆమెకు చూపించి సంతోషాన్ని పంచుకున్నారు. ఇయాన్ మోర్గాన్ నేతృత్వంలోని 15 మంది సభ్యులు ప్రధానితో కలిసి ఫొటో దిగారు.

ఇంగ్లాండ్ జట్టు ఆ దేశ ప్రధాని థెరిసా మేను కలిసింది. లండన్​ డౌనింగ్ స్ట్రీట్​లోని కార్యాలయంలో ఇయాన్ మోర్గాన్ నేతృత్వంలోని 15 మంది సభ్యులు ప్రపంచకప్​ను ప్రధానికి చూపించి ఫొటో దిగారు. వీరితో కాసేపు ముచ్చటించారు ప్రధాని.

44 ఏళ్ల వరల్డ్​కప్ కల సాకారమైనందుకు థెరిసా మే సంతోషం వ్యక్తం చేశారు. భవిష్యత్తులో ఎంతో మంది ఈ విజయం నుంచి స్ఫూర్తి పొందుతారని చెప్పారు.

లార్డ్స్​ వేదికగా న్యూజిలాండ్​తో జరిగిన ఫైనల్లో ఇంగ్లాండ్ విశ్వవిజేతగా నిలిచింది. టైగా ముగిసిన మ్యాచ్​లో బౌండరీ కౌంట్ ద్వారా ప్రపంచకప్​ను సొంతం చేసుకుంది.

ఇది చదవండి: 'మాకు రెండే ఆప్షన్లు... కోపానికి తావు లేదు'