27 ఏళ్ల తర్వాత ఇంగ్లాండ్ ప్రపంచకప్ ఫైనల్లో అడుగుపెట్టింది. ఆదివారం న్యూజిలాండ్తో ఫైనల్ మ్యాచ్ ఆడనుంది. అదీ సొంతగడ్డపై జరుగుతున్న కారణంగా అభిమానులకు పండగే. అయితే ఇదే రోజు మరో రెండు ఫైనల్ మ్యాచ్లు జరగనున్నాయి. క్రికెట్ ప్రపంచకప్ ఫైనల్తో పాటు వింబుల్డన్ పురుషుల సింగిల్స్ ఫైనల్, బ్రిటిష్ గ్రాండ్ ప్రీ ఫార్ములా రేసింగ్ ఉన్నాయి. ఈ మూడు మ్యాచ్లు ఒకేరోజు ఉన్నందు వల్ల ప్రేక్షకులు ఏది చూడాలో అని తలలు పట్టుకుంటున్నారు.
ఇంగ్లాండ్ x న్యూజిలాండ్
ఆదివారం లార్డ్స్ వేదికగా జరిగే ప్రపంచకప్ ఫైనల్ మ్యాచ్లో ఇంగ్లాండ్, న్యూజిలాండ్ తలపడనున్నాయి. ఈ రెండు జట్లు ఇప్పటివరకు వరల్డ్కప్ టైటిల్ గెలవలేదు. ఈసారి ఎలాగైనా కప్పు గెలవాలన్న కసితో ఉన్నాయి. అయితే సొంత గడ్డపై జరుగుతుండటం ఇంగ్లాండ్కు కలిసొచ్చే అంశం. ఫామ్ దృష్ట్యా మోర్గాన్ సేన టైటిల్ ఎగరేసుకుపోతుందని క్రికెట్ పండితులు అంచనాలు వేస్తున్నారు. టీమిండియా లాంటి పటిష్ఠమైన జట్టును ఓడించి తుదిపోరుకు అర్హత సాధించిన కివీస్ను తక్కువ అంచనా వేయడానికి వీల్లేదు. అందువల్ల మ్యాచ్ రసవత్తరంగా జరుగుతుందని అభిమానులు భావిస్తున్నారు.