క్రికెట్ ప్రపంచకప్ను ముద్దుగా 'ఒలింపిక్స్ ఆఫ్ క్రికెట్' అని పిలుస్తారు. నాలుగేళ్లకోసారి జరిగే ఈ మెగా టోర్నీ కోసం క్రికెటర్లే కాకుండా వివిధ దేశాల అభిమానులు ఎదురుచూస్తుంటారు. ఈ ఏడాది ఇంగ్లండ్& వేల్స్ సంయుక్త వేదికగా ఈ టోర్నీ జరగనుంది. లండన్ బకింగ్హామ్ పాలెస్ వేదికగా ఆరంభ వేడుకలు ఘనంగా జరిగాయి. ఇంగ్లండ్ మాజీ క్రికెటర్ ఫ్లింటాఫ్తో పాటు శిబానీ దండేకర్, ప్యాడీ మెక్గీన్స్ వ్యాఖ్యాతలుగా వ్యవహరించారు. ఇంగ్లండ్ కెప్టెన్ మోర్గాన్, భారత్ కెప్టెన్ కోహ్లీ ఈ కార్యక్రమానికి హాజరయ్యారు.
"తొలి మ్యాచ్ కోసం ఆత్రుతగా ఎదురుచూస్తున్నా. ఇక్కడ ఉన్నందుకు గర్విస్తున్నా." -ఇయాన్ మోర్గాన్, ఇంగ్లండ్ కెప్టెన్
"ఇక్కడున్నందుకు ఆనందంగా ఉంది. అభిమానుల్ని చూస్తుంటే ముచ్చటేస్తోంది. ఓవైపుఒత్తిడిఉన్నా, మరోవైపు గర్వంగానూ ఉంది. ఈ అవకాశాన్ని సద్వినియోగం చేసుకోవాలని అనుకుంటున్నా." -విరాట్ కోహ్లీ, టీమిండియా కెప్టెన్