కివీస్ అగ్రస్థానానికి.. సఫారీలు ఇంటికి

దక్షిణాఫ్రికాతో మ్యాచ్​లో కివీస్ ఘనవిజయం సాధించింది. సెంచరీ చేసిన విలియమ్సన్ ప్లేయర్ ఆఫ్ ది మ్యాచ్​గా నిలిచాడు. ఈ గెలుపుతో పాయింట్ల పట్టికలో టాప్​కు చేరుకుంది కివీస్ జట్టు. తప్పనిసరిగా గెలవాల్సిన మ్యాచ్​లో ఓడిన దక్షిణాఫ్రికా వరల్డ్​కప్ రేసు నుంచి వైదొలిగింది.

బర్మింగ్​హమ్ వేదికగా బుధవారం జరిగిన మ్యాచ్​లో దక్షిణాఫ్రికాపై నాలుగు వికెట్ల తేడాతో గెలిచింది న్యూజిలాండ్​. సెంచరీతో చెలరేగిన కెప్టెన్ విలియమ్సన్విజయంలో కీలక పాత్ర పోషించాడు. తప్పక గెలవాల్సిన మ్యాచ్​లో ఓడిన దక్షిణాఫ్రికా.. ప్రపంచకప్​ రేసు నుంచి వైదొలిగింది.

న్యూజిలాండ్ కెప్టెన్ విలియమ్సన్

242 పరుగుల లక్ష్యంతో బరిలోకి దిగిన కివీస్ 137 పరుగులకే ఐదు వికెట్లు కోల్పోయింది. ఆ స్థితిలో ఓర్పుతో ఆడిన విలియమన్సన్- గ్రాండ్​హమ్ ఆరో వికెట్​కు 91 పరుగులు జోడించి కివీస్​కు విజయాన్ని అందించారు . విలియమన్స్ 103 (నాటౌట్), గ్రాండ్​హమ్ 60 (నాటౌట్) పరుగులు చేశారు.

కివీస్ ఆల్​రౌండర్ గ్రాండ్​హోమ్

సఫారీ బౌలర్లలో మోరిస్ 3 వికెట్లు తీశారు. ఎంగిడి, రబాడా, ఫెలుక్వాయో తలో వికెట్ దక్కించుకున్నారు.

అంతకు ముందు టాస్ గెలిచిన న్యూజిలాండ్​ బౌలింగ్ ఎంచుకుంది. ఔట్​ఫీల్డ్​ చిత్తడిగా ఉండటంతో మ్యాచ్​ను 49 ఓవర్లకు కుదించారు.

తొలుత బ్యాటింగ్​ చేసిన దక్షిణాఫ్రికా జట్టులో ఆమ్లా 55, వాన్​డర్​డసెన్ 67 పరుగులతో రాణించారు. మిల్లర్ 36, మార్క్రమ్ 38 పరుగులు చేశారు.

హషీమ్ ఆమ్లా

కివీస్​ బౌలర్లు కట్టుదిట్టంగా బౌలింగ్​ చేసి సఫారీ బ్యాట్స్​మెన్ పరుగులు చేయకుండా నియంత్రించారు. ఫెర్గుసన్ 3, బౌల్ట్, గ్రాండ్​హమ్, శాంటర్న్ తలో వికెట్ తీశారు.

ఇది చదవండి: కోహ్లీ రికార్డును కొద్దిలో మిస్సయిన ఆమ్లా