వెస్టిండీస్ మాజీ కెప్టెన్ డారెన్ సామి.. పాకిస్థాన్ అత్యుత్తమ పౌర పురస్కారానికి ఎంపికయ్యాడు. వచ్చే నెల 23న 'నిషాన్-ఏ-పాకిస్థాన్'తో ఆ దేశ అధ్యక్షుడు అరిఫ్ అల్వి అతడిని గౌరవించనున్నారు. దీనితో పాటే ఆ దేశ గౌరవ పౌరసత్వాన్ని అతడికి కల్పించనుంది. ఈ విషయాన్ని పాకిస్థాన్ క్రికెట్ బోర్డు ట్విట్టర్లో వెల్లడించింది. పాకిస్థాన్‌కు సామి అందిస్తోన్న క్రికెట్ సేవలకు ప్రతిఫలంగా దీనిని ఇస్తున్నట్లు పీసీబీ పేర్కొంది.
ఫ్రాంచైజీ యజమాని సిఫార్సుతోనే!
ప్రస్తుతం సామి... పాకిస్థాన్ సూపర్ లీగ్(పీఎస్ఎల్)లోని పెషావర్ జాల్మీ జట్టుకు కెప్టెన్‌గా వ్యవహరిస్తున్నాడు. ఈ ఫ్రాంచైజీ యజమాని జావేద్ అఫ్రిది ఇటీవలే సామికి అత్యుత్తమ పౌర పురస్కారం ఇవ్వాలని ఆ దేశ అధ్యక్షుడు, పీసీబీ ఛైర్మన్‌ ఇషాన్ను కోరాడు. దానికి వారు అంగీకరించడం విశేషం.
గతంలో ఇద్దరికి
ఈ గౌరవ పురస్కారం అందుకున్న మూడో ఆటగాడిగా సామి పేరు తెచ్చుకున్నాడు. ఇతడి కంటే ముందు ఆస్ట్రేలియా క్రికెటర్ మాథ్యూ హేడెన్, దక్షిణాఫ్రికా క్రికెటర్ గిబ్స్ ఈ అవార్డులు అందుకున్నారు.