యాషెస్​లో స్మిత్​ ఆట​పై అదిరే సెటైర్లు

ఆస్ట్రేలియా ఆటగాడు స్టీవ్​ స్మిత్... యాషెస్​లో ఇంగ్లాండ్ బౌలర్ల సహనానికి పరీక్ష పెడుతున్నాడు. బంతుల్ని వదిలేస్తూ.. క్రీజులో కదులుతున్న తీరుపై వ్యంగ్యాస్త్రాలు సంధిస్తున్నారు నెటిజన్లు.

ఆస్ట్రేలియా ఆటగాడు స్టీవ్ స్మిత్ మంచి ఫామ్​లో ఉన్నాడు. ఇంగ్లాండ్​తో జరిగిన యాషెస్​ మొదటి టెస్టులో రెండు ఇన్నింగ్స్​లోనూ సెంచరీలతో సత్తాచాటాడు. ప్రస్తుతం రెండో టెస్టులో తన బ్యాటింగ్​తో ప్రత్యర్థి బౌలర్ల సహనానికి పరీక్ష పెడుతున్నాడు.

రెండో టెస్టులో తొలుత ఇంగ్లాండ్.. 258 పరుగులకు ఆలౌట్​ అయింది. అనంతరం ఆస్ట్రేలియా బ్యాటింగ్​ చేస్తోంది. స్మిత్ మరోసారి ఇంగ్లీష్​ బౌలర్లను ఓర్పుతో ఎదుర్కొంటున్నాడు. ఈ క్రమంలో ఆడిన డిఫెన్స్​పై అభిమానులు సామాజిక మాధ్యమాల్లో ఛలోక్తులు విసురుతున్నారు. బంతుల్ని వదిలేస్తూ క్రీజులో అతడు కదులుతున్న తీరుపై వ్యంగ్యాస్త్రాలు సంధిస్తున్నారు.

బాల్​ టాంపరింగ్ వివాదంతో ఏడాది పాటు క్రికెట్​కు దూరమైన స్మిత్​.. ప్రపంచకప్​కు అందుబాటులోకి వచ్చాడు. ఈ మెగాటోర్నీలో మోస్తరు ప్రదర్శనే కనబర్చినా.. ప్రస్తుతం యాషెస్​లో మాత్రం సత్తాచాటుతున్నాడు.

ఇవీ చూడండి.. 'ఇదేం ఎంపిక.. ఇక కోహ్లీ చెప్పిందే మాట'