నెలరోజుల క్రితం లండన్లో జరిగిన కౌంటీ మ్యాచ్లో బంతి తగిలి ఆసుపత్రిలో చేరాడు అంపైర్ జాన్ విలియమ్స్. నెలరోజుల పాటు మృత్యువుతో పోరాడి గురువారం మరణించాడు. జులై 13న పెమ్బ్రోక్ - నార్బెత్ జట్ల మధ్య ఈ మ్యాచ్ జరిగింది.
అంపైర్ మరణించిన విషయాన్ని పెమ్బ్రోక్షైర్ క్రికెట్ క్లబ్ ట్విట్టర్లో తెలిపింది.
"అంపైర్ జాన్ విలియమ్స్ గురించి చేదు వార్త వినాల్సి వచ్చింది. జాన్ ఈ రోజు ఉదయాన్నే మరణించారు. పెమ్బ్రోక్షైర్ క్రికెట్ క్లబ్ తరపున సంతాపం తెలుపుతున్నాం." -పెమ్బ్రోక్షైర్ క్రికెట్ క్లబ్
ఆ మ్యాచ్లో అంపైర్ జాన్ తలకు బంతి తగిలి తీవ్ర గాయమైంది. అతడిని వెంటనే ఆసుపత్రికి తరలించారు. మెరుగైన చికిత్సకోసం హావర్ఫోర్డ్వెస్ట్లోని మరో ఆసుపత్రిలో చేర్పించారు. అక్కడ చికిత్స పొందుతూ మృతి చెందాడు.
ఇది చదవండి: రాబిన్తో టీమిండియా కోచ్ ఇంటర్వ్యూలు షురూ