ఇంగ్లాండ్లోని వరల్డ్కప్ టోర్నీలో సత్తా చాటుతున్న భారత ఆటగాళ్లు... వీలు చిక్కినప్పుడల్లా సరదాగా గడుపుతూ ఒత్తిడిని దూరం చేసుకుంటున్నారు. సల్మాన్ ఖాన్, కత్రినా కైఫ్‌ జంటగా నటించిన భారత్ చిత్రాన్ని మంగళవారం వీక్షించారు టీమిండియా ఆటగాళ్లు. ఈ సినిమా చూసిన తర్వాత ధోనీ, హార్దిక్‌ పాండ్య, కేఎల్‌ రాహుల్‌, శిఖర్‌ ధావన్‌, కేదార్ జాదవ్ ఫొటో దిగారు. నాటింగ్హామ్లోని ఓ థియేటర్‌ బయట తన అభిమాన హీరో సినిమా చూసినట్లు పేర్కొంటూ ఆ ఫొటో షేర్ చేశాడు కేదార్. "భారత్ సినిమా చూసిన తర్వాత భారత్ టీం" అంటూ ఆ ఫోటోకు క్యాప్షన్ పెట్టాడు.
ఇంగ్లాండ్లో 'భారత్' వీక్షించిన టీమిండియా - భారత్
ప్రపంచకప్‌ మ్యాచ్‌లతో బిజీగా ఉన్న టీమిండియా ఆటగాళ్లు కాసేపు సేదతీరారు. మంగళవారం నాటింగ్హామ్లోని ఓ థిటేయర్లో సల్మాన్ఖాన్ నటించిన భారత్ సినిమాను వీక్షించారు. ఈ విషయాన్ని కేదార్ జాదవ్ సోషల్మీడియా ద్వారా వెల్లడించాడు.
ఇంగ్లాండ్లో సల్మాన్ సినిమా వీక్షించిన టీమిండియా
జాదవ్ ట్వీట్‌ చూసి సల్మాన్ స్పందించాడు. "భారత్ సినిమాను వీక్షించనందుకు థాంక్యూ. మీరు ఆడబోయే మ్యాచ్‌లకు ఆల్‌ ది బెస్ట్‌. యావత్‌ భారతదేశం మీతో ఉంది" అని ఆ ఫొటోకు సమాధానమిచ్చారు.
ప్రపంచకప్‌లో టీమిండియా ఇప్పటివరకు రెండు విజయాలతో ఫుల్ జోష్ మీద ఉంది. గురువారం నాటింగ్హామ్ వేదికగా న్యూజిలాండ్‌తో తలపడనుంది. అయితే ఈ మ్యాచ్కు వర్ష సూచన కాస్త ఇబ్బంది పెడుతోంది. రెండు పెద్ద జట్లపై వరుస విజయాలు సాధించిన టీమిండియాకు ఎదురుదెబ్బ తగిలింది. ఓపెనర్‌ శిఖర్‌ ధావన్‌ వేలికి గాయం కావడం వల్ల అతడు మూడు వారాలు బీసీసీఐ పర్యవేక్షణలో విశ్రాంతి తీసుకోనున్నాడు.